اسكندرانيه ليه ؟؟
في البدء كان البحر .. ولأن دارون طيب الله ثراه قد اثبت بما لايدع مجالا للإيمان .. ان اصل الانسان خليه تطورت في اعماق البحار .. لتصبح سمكه فزاحفا فديناصورا فقردا فانسانا فاسكندرانيا
..
لذا فهذه مدونة نمارس فيها ما نخفي من عنصريه وشوفينيه وحب الذات.. نحن حليقو رؤوس سكندريون .. نؤمن اننا شعب الله المختار .. و معمرو ارضه بعد فناء ابنائه .. مجموعه اثنيه لا تقبل من هم خارجها و لا حتى من هم داخلها وليسوا منها .... نتميز بالمياه المالحه و الوجوه الكالحه .. اللغه الرسميه لا تعترف باي من علامات التشكيل غير الفتحه .. فإن شرَبت و ركَبت و فهَمت و صبَرت فأنت منا .. و لك ما لنا .. و ان نزٍلت على الناصيه او اكلت طعميه او شرِبت حلميه على قهوه تطل مباشرةً على رمال المتوسط فانت منهم و عليك ما عليهم .. نحن نستنسخ اجيالنا في قبوٍ اسفل الشيخ علي .. نربي اطفالنا في شارع طيبه , ندربهم في كامبات المحمره و دار عيسى وارض الامريكان .. ثم نعودهم على شرب القص في كوم الدكه .. و منها الى التجاريه حيث يلتقون من استنسخناهم عنهم .. وفي الابراهيميه نصل جميعا الى الحقيقه المطلقه
..
يزورنا دوما من يدعون حبنا كاشخاص .. ليس حقيقيا الا حب كوكبنا السكندري .. يدعون اللطف و الظرف و الصداقه .. ينخدع بهم بعضنا و لا استريح الى معظمهم .. يحملون معهم رائحة و بلادة مدينتهم .. التي تمتلىء فيها رئاتنا بغبار سمائها التي بلا لون .. و جزيئات هوائها التي تحمل ذرات الكربون و الاسبستوس و البلاستيك و الاعلانات و النداله و الموبايلات التي لا ترن و الساعات التي تدق لتقطع اوقات الصفاء .. لكننا نعود ربما باسرع مما تحتمله قوانين الفيزياء .. لنملأ خياشيمنا القرمزية اللون بجزيئات الاكسجين من ذرتين .. مع بعض اليود الذي لا غني عنه ... لننظف دمائنا من ارهاق غربتنا .. بينما ينظفون هم اجسادهم من إعياء اوطانهم
..
اليك يا حامل الجرين كارد اتحدث : نحن لا نمنح جنسيتنا الا بعد اختبارات كتلك التي تؤكد الرجولة في الجماعات الافريقيه .. عليك اولا ان تجلس على الهندي بدون ان تنبس بكلمه .. ثم لتتجه الى بحري عن طريق شارع فرنسا مخترقا السياله .. و منها الى كرموز لتعبر كوبري ناعسه الى غيط العنب .. وعندما تعود سالما اجلس معنا على التجاريه .. واحتمل كراهية عم محمد لك .. لتدمن معنا السجائر الكليوباترا و المعسل الذي ندخنه في اراجيل تُدخِل من الهواء اكثر مما تُخرِج .. اشترك معنا في لفائفنا الورقية التي تحمل جراثيم محمد احمد و الفلاح وابو غريب .. لا تخف منهم فهم يقطنون امعائنا اساسا .. و ينتهي معظمهم في مراحيض ماكدونالدز سموحه .. حيث لا بد ان تخدع عماله وكانك تجلس مع عائلتك في الدور العلوي .. لتستخدم حمامهم النظيف
..
ولكي تثبت لنا صلاحية مواطنتك لا بد ان تحب طعم الخل في كبدة فهمي , سوء الخدمه و الازعاج في الزعيم .. النصب في فاتورة الافوكاتو و الجو المريب في اليكس سيبر زون حيث جهاز الكمبيوتر الذي يحتل الكورنر ولا يتوقف فيه ابدا عرض الجنس .. اعبر امام بيت كفافيس .. و الق نظره على شيجابي .. راجع أحدث افلام رينيسانس وتحسر على فيلم كنت تريد دوما رؤيته ولا تملك له وقتا ولا مالا
..
حاول دخول المجمع من باب حقوق بكارنيه اصفر قديم .. و ان فشلت اترك بطاقتك لعم ابراهيم الذي لا يقل رزالة عن الامن المركزي امام طب وهندسه و زراعة سابا باشا .. ولا عنادا عن عسس المنتزه او انطونيادس او حتى علوم محرم بيه
..
احتمل جو جراج الجزويت الخانق .. لكي تستمع الى عازف كمان قصير و بدين .. و حبة غنا .. او مسرحه الواسع بما يفيض عن اللازم .. فقط كي تستمتع بالطنبوره البورسعيديه او فيلم لجون مالكوفيتش .. او فرقة المسحراتي و فيروز كراويه .... انهِ العرض ثم اقصد صخور الابراهيميه المنحدره .. حاول جاهدا الا تسقط بزاوية مقدارها التسعين درجه .. تقيأ همومك للبحر الهادىء كالطحينه .. و يا حبذا لو صاحبت صديقا , ليعبر معك نفق الكورنيش تجنبا لمصير مونيكا بيللوشي في ايريفيرسيبل .. و عندما تصل الى شارع بورسعيد .. و دع صديقك .. و لوح لسائق المشروع التويوتا بسبابتك لأسفل .. الق السلام على الركاب .. وحاول اخفاء رائحة البيره او البراندي او كليهما .. عنهم وعن امك في البيت .. تدفأ تحت اغطيتك ثم نم
..
وروح يابني وانت اسكندراني
Posted by 4thH at 4:33 PM
27 Comments
اقروا الفاتحة لأبو العباس ياسكندرية يا أجدع ناس
و هو ده اللي كنت عاتل همه كدا كل مدون مش أسكندراني يقفل بابه علي نفسه و يعتزل التدوين لأن خلاص مفيش أمل
yaaaaaaaaaaaaaaaaaaah
a7`yran l2et 7al2et el samak ely bdawar 3alyha
mabrok 3alena ya m3almen
ana b2aly hena set shhour f el qahira el romadya w batnasha2 3ala 7aga men re7tek ya skendrya
yama nefsy f karkadesh so7`n el sa3a 10:00 el sob7 youm el gom3a 3ala 2ahwet faro2
wala 7`arob metaleg men 3and 2amal el sa3a 1:00 el sob7 f m7atet el raml fel sheta
wala 7ata sandawetshen kebda men 3and sisa fel ibrahimya sa3et ma3`rbya
.
.
.
wa7ashteny layaleky yaskendrya
منورين والله. ايه اللمة دي كلها؟ انا كان نفسي نروح السبيت فاير بس كدا مش حيساعنا. خلينا بقى ملقحين في التجارية
رغم ملاحظتنا العديدة على الإسكندرانية اللى فيه بعض الأراء بتقول إنهم العيب الوحيد فى إسكندرية إلا إننا لازم نسجل سعادتنا بالمدونة الإسكندرانى و نعلن إننا سننتظر منهم الكثير و لازم نسأل عن زينة بنات الإسكندرية الست واحدة مصرية لأن مدونة إسكندرانى من غيرها مايصحش...تحياتى للشباب الجدعان
ألف مبروك يا أهل بحري
حقكوا الصراحة
:))
يا لهوي يا اسكندرانية!!! إحنا نسيبكوا في الشارع تطلعوالنا هنا؟!
أوبا
:)
أهو انا كدة عرفت لية طول ما انا ماشي جوة اسكندرية باحس اني معلق علي ضهري يافطة ملاكي القاهرة
يا ريت في البوست القادم كيفية الحصول على "الجنسية"...
من مواطن "مصراوي" مطحون...
zengy : خليك متفائل اكيد حاتعرفوا تتصرفوا برضه
gedoo iskandar : منور
alexandra : اليوناني يساع .. و كمان فيه جندوفلي
wa7id min masr : فعلا مايصحش
nour: عقبالك
ahmad : و حاتلاقينا في السرير لما تروح من السيبر
animal : احنا نحب نخدم بس
alaa : انت ناقصلك زلطه و تدخل جوه .. انت عارف
:-))
الحقوا خدوا لكم يوميين ناشفين. اسكندرية هاتغرق بعد خمسين سنة (وبيروت كمان). إييه، من البحر جئنا وإليه نعود. ممكن طبعا تقبلوا علينا.
أنا باقول طماطم.
غالبا كل من أدى جزء من طفولته بالكويت يقول طماطم
أنا ايضا اقول طماطم
إحنا نشربو الشاىَّ - بتشديد الياء- و نطلعو يا أسطوات على أبو قير نعلن تأسيس جمهورية إسكندرية المصرية الوطنية الإشتراكية المهلبيةو نعمل النشيد الوطنى اللى هوه يا مهلبية يا و نلمو بالصلاتو ع النبى المراكبية و نشحنهم فى البنلاصات و نطلعو ناخدو مطروح و رشيد و الساحل و السلوم
قشطة يا أسطوات
صباحين و حته
ايه يا عم البوست اللي الواحد تاه جواه ده؟؟
مبروك يا سيدي بس بلاش لماضة
اس.. اس... السلام عليكم
اس.. اس.. اسكندريه دي باشا
:)
مبروك على البلوج أيوو كان فين من زمان
بسم الله الرحمن الرحيم
أخيرًا وجدت بنو وطنى الشرفاء , بعدما تلطمت بين الأوغاد و الرقعاء و المنحلين , الذين لا يتورعون عن ركل مؤخرات العجائز فى الطريق العام !
هل تقبلون صداقة سكندرى يعتز يسكندريته بعنف و شدة و جنون ؟!!
تحياتى
وليد
آه ! بالمناسبة ! عايزين تدخلوا حقوق ليه بكارنيه اصفر ولا حتى بمبى ؟!! ماتدخلوهاش من اصله !! حتبقوا عملتوا فى نفسكوا واجب كبير !
آه بالمناسبة برضه , يا ريت تشجعوا اخوكم المبتدىء و تزوروا مدونته !
وليد
اقتراح من واحد اسكندراني معتز بسكندريته
في فكرة يا جماعة باتداولها مع اصحابي من فترة.
ان احنا نعمل عداد علي بوابات اسكندرية بحيث نبقي عدد الدخلاء في الاسكندرية عند حد معين ان تجاوز الرقم هذا الحد تقفل البوابة في وجه اي غريب و علشان واحد منهم يدخل لازم يخرج واحد قصاده
ايه رايكوا في الفكرة ديه؟؟
كلماتي فقط للذين يؤمنون بالله وكتابه
يقول كاتب المدونة :
نحن حليقو رؤوس سكندريون .. نؤمن اننا شعب الله المختار .. و معمرو ارضه بعد فناء ابنائه ..
ويقول الله في كتابه
وقالو اتخذ الله ولدا لقد جئتم شيئاً إدا تكاد السماوات يتفطرن منه وتنشق الأرض وتخر الجبال هدا ان دعوا للرحمن ولدا وما ينبغي للرحمن أن يتخذ ولدا إن كل من في السماوات والأرض إلا آتي الرحمن عبدا
ويقول في سورة الإخلاص
لم يلد ولم يولد
ويقول في الحديث القدسي
شتمني ابن آدم وما كان له ذلك.. لإاما شتمه إياي فقوله إتخذ الله ولدا
ويقول النبي صلى الله عليه وسلم
وإن العبد ليتكلم بالكلمة هي من سخط الله لا يلقي لها بالا يهوي بها في النار سبعين خريفا
صدق رسول الله
وخدو بالكم من قوله لا يلقي لها بالا
ويقول الله في كتابه
ولئن سألتهم ليقولن إنما كنا نخوض ونلعب قل ابالله وآياته ورسوله كنتم تستهزؤون لا تعتذروا قد كفرتم بعد إيمانكم
محدش بيقولكم متهزروش ولا متكتبوش
انا نفسي بعشق اسكندرية جدا ومتعصب ليها جدا
ودخلت المدونات دي من حبي ليها رغم اني جديد شوية على المدونات
وكنت مسترسل في القراءة
لحد ما اتصدمت من المكتوب
يا جماعة
كل اللي بقولهولكم
احترموا آيات الله
وعظمو ربنا
ومتخسروش دينكم مقابل شوية تسالي
والسلام على من اتبع الهدى
واللة اسكندرية عليها العوض دلوقتى
خربها المحجوب بون قصد واللة اعلم وجاى الخرابة اللى بعدة يكمل عليها
على فكرة كل الناس عارفة الخرابة دة جاى لية اصلة فلاح وما اتولدش فى مستشفى الشاطبى
اجدع حاجة انك تكون اسكندراني
الواحد لقى مكان لاسكندرنية بس اجدع ناس .. الله ينور يا رجالة و لو عهايزين اى خدمة فى الديزين او التصميم انا تحت امركم علشان نتطور الموقع ... اخوك م/محمد .. اسكندرانى و اتحداوى طبعا و انا اللى مصمم موقع الاتحاد www.itthad.com
ايوووووووووووه وحشتنى بلدى اسكندريه هموت بس اروح لحظه اشم ريحتها وانا رايحه الكليه الصبح من على البحر وانا اول ما اشوف البحر وانا خارجه من خليل حماده وماشيه اتفرج على اللى بيجرو على البحر الصبح وحاطين الووكمان وابقى اقول لو معنديش محاضره بس كنت نزلت وعملت زيهم قال يعنى بحضر المحاضرهاول ما اول والاقى صحابى ياااااه وحشتونى يا صحابى مووت ايمان وهند ومرضان ونانسى وحسن يااه ونروح نفطر عند هوهو لالاعند جاد فى صلاح سالم والله اللى مش عاجبه يخليه من غير فطار انا عن نفسى رايحه وبعدها لسه بدرى على السنيما نعمل ايه ناخدها مشى من الشاطبى لغايه القلعه الله على الجو على الصبح كده فى كل الاماكن دى وبعدين بعد ما اتكسرت رجلينا يلا بقى الفيلم هيبدا ولازم يفوتنا اوله يلالالا امشو نروح محطه الرمل والا سينما عثمان والا جرين بلازا لامشوها محطه الرمل بسسس رينيسانس رويال ارحم من امير زحمه مووت وخصوصا حفله المزوغين دى لحقنا الفيلم يادوب لسه بادىء الحمد لله فى البريك بقى نبقى نسأل اللى ورانا على اللى فاتنا فى البريك هنتغدا ايه؟هو انتو مابتشبعوش خرجين من البيت عشان تاكلو؟اه.هنتغدا عند حوده جوندل ها حد عنده مانع طبعا لا.طيب نرجع بقى الكليه نشوف المحاضرات اصلها مهمه وخصوصا محاضره الدكتور عبدالله هلال.ياالله مين اللى صحانى من الحلم الجميل اللى كنت عايشه فيه؟اه حر البلد اللى انا فيها السعوديه يا جماعه هانت باقى 8 ايام واروح اخد اسكندريتى بالحضن واتنفس بقى احسن بقالى سنه مش عارفه اتنفس هواها اللى بشمه فى احلامى وجعت دماغكو اكيد بس ده نموذج من اللى عايشه على زكراه هنا
اسكندرانى وبقول ايووووة
ability+love+eden+xenophopia= alex
ومخلل مش طرشى وامبوبة مش بمبة
والى مش عجبة يروح بلدة
توب علينا يارب من الصيف وبلاوية والى بيجرى فية
Post a Comment
« Home