Friday, December 22, 2006

عنا و عنها

ابراهيم عبد المجيد - بيت الياسمين

1

أخرج الناس من ترعة المحموديه جثة في جوال ما أن فتحوه حتى وجدوا امامهم امرأة مبهرة الجمال تدب فيها الروح شيئا فشيئا وهم يتراجعون من حولها في فزع حتى وقفت عمودا من نار فصعقوا و تساقطوا بين ميت و مغشى عليه بينما صارت ترمح في الشوارع عارية شعرها الاصفر يطير عاليا وكل من ينظر اليها انجذب وصار يجري خلفها ولا يعثر له احد على أثر

2

بعد النكسه ظهر رجل يدور في شوارع القباري حافيا كثيف الذقن و الشارب و الشعر مهتريء الثياب ويقف كثيرا ليصيح : طز في الامبراطوريه البريطانيه التي لا تغيب عنها الشمس ويضرب كلبًا معه يسميه جونسون . بعد عام ظهرت معه كلبة يناديها جاكلين ثم كلب اسماه اوثانت وازدادت الكلاب تحمل اسماء برانت وموبوتو وانديرا ولورد كارادون وجولدا واليزابيث وبوميدو وغيرها . صارت مسيرته مشهدا تفتح له النوافذ والشرفات , وازدحم خلفه الاطفال يصرخون : طز في الامبراطوريه البريطانيه التي لا تغيب عنها الشمس .. يومان لا ينساهما الناس لهذا الرجل . يوم مات جونسون فسكر وتمدد على الرصيف يبكي بحرقة وجثة قلبه فوق ساقيه , ولأنه سقى كلابه خمرا صارت تترنح وتنبح نباحا مقطوعا بالفواق الذي لم يتصور احد ان يصيبها ويوم مات الرجل نفسه الاسبوع الماضي فمشت الكلاب وحدها تصيح : طز في الامبراطزريه البريطانيه التي لا تغيب عنها الشمس

3

لا أحد في الدخيله لايعرف الحاج عبد التواب هو صاحب اكبر اسطول من عربات نقل احجار البناء من الجبال . وهو رجل صالح يحج كل عام ولا تفوته العمره في رجب ولا رمضان . رزقه الله بالولد بعد ثلاثين سنة وفي الفجر روع الناس بصراخ زوجته التي خرجت تجري في شارع الجامع حافية تقفز كثيرا في الهواء . لقد تعود الحاج عبد التواب منذ رزق بالغلام ان يمضي معظم الليل يسبح باسماء الله . تلك الليله ظل يردد يالطيف يالطيف يا لطيف . يتلطف في الاداء حينا و يندفع فيه كثيرا ولم يسمع قط تحذير زوجته. اللطيف من الاسماء ذات الاثر الكوني السريع . هكذا علق المتفقهون في الدين بعد الحادث . و الذي حدث هو ان سقف الغرفه انشق الى نصفين اندفع من بينهما طائر ضخم الجناحين ابيض سابغ غمر الغرفه بضوء ازرق يخطف الابصار وحمل الطفل الى صدره وضم عليه صاقيه وارتفع من بين السقف المقلوق يشق الفضاء الى السماء السابعه حيث عرش الله

4

فياض : العامل في محطة تحضير الاكسجين بشركة بناء السفن اصبح مشهورا في الاسكندريه الآن . صعد بالليل في احد ابراج الاناره التي ترتفع لثلاين مترا ولم ينزل , بالنهار اخذ يؤذن ويكرر الأذان , فصار العمل يتركون ورشهم ويذهبون للفرجه عليه . جاء رجال الأمن ونادوه فلم يستجب.. صعد البه احدهم فاكتشفوا ان معه عصا غليظه ولا سبيل للوصول اليه . حضر رئيس مجلس الإداره فرفض نادءه .. تركوه فظل حتى اليوم الثاني . احضروا زوجته واطفاله الثلاثه واعطوهم ميكروفونا ينادونه به فلم يهتم. زوجته جميله شقراء في ثياب مهلهلة ايقظت شفقة المجتمعين ثم شبقهم . اطلقوا حوله الرصاص فلم يهتز . تركوه لليوم الثالث وتركوا زوجته واطفاله ينامون تحت البرج فلم ينزل . حضر رجال البوليس من الجمرك ورجال الاطفاء و الانقاذ و صعدوا اليه من كل ناحيه فاخرج سكينا من جيبه قطع بها رقبته

5

عاد مدرس كان معارا الى الشارقة .. برقيته لم تصل .. فتح باب شقته بالمساء ودخل بهدوء ليفاجيء زوجته وطفليه بالسعاده . فتح باب غرفة نومه فوجد زوجته تحت رجل . نظرت اليه ونظر اليها .. عاد بهدوء الى الخلف .. عرفت قدماه باب الشقه وهو يسير بظهره ومشى في الطريق بظهره وكل من يراه يوسع له في ارتباك , وطفلاه اللذان برزا من احد الازقه يتابعانه . ينظر اليهما و ينظران اليه . يمد لهما يديه و يمدان ايديهما .. لا يستطيع التوقف ولا يستطيع التقدم نحوهما وكلما امسكا يديه افلتتا منهما فلا يكفان عن البكاء . الاسكندريه كلها صارت تعرفه . يفسح له الناس الطرقات وتقف له الاشارات و السيارات .. اختفى الرجل وطفلاه واوشكت الناس تنساه لكني حلمت به وقد لحق بالفضاء يدور حول الارض , وبطفليه يدوران حول القمر

6

فجأه لم يعد هناك حديث للناس غير الشيخ لاشين واعظ مسجد سيدي القباري .. صار يوم الجمعه كيوم عرفه من شدة الزحام بالجامع وفي الشوارع وفوق اسطح المنازل .. الجميع ماخوذون من خطب الشيخ الناريه وخوضه فيما لم يتعود الوعاظ الخوض فيه .. صار معروفا ان الشيخ لاشين لا يلتزم بالخطبه المقرره من قبل وزارة الاوقاف كما انه لا يرتجل بل انه يحفظ خطبه من كتب لا يصل اليها احد
..
منذ اسابيع انهى خطبته بدعاء قال فيه : اللهم انصر امة الاسلام على جيوش الفرنجة و التتار و من بقى منهم .. اللهم ايد خليفة المسلمين المستكفي بالله سليمان وبارك في بني العباس .. اللهم ايد سلطاننا محمد بن الملك المنصور قلاوون و عساكره . و لا يزال الزحام
..

7

ولد طفل بذيل .. شيء عادي يمكن ان يحدث , بعد اسبوع عرفت الاسكندريه أن الحادثه تكررت فبدأ الناس النقاش .. ماكاد اسبوع اخر يمضي حتى شاع ان امرأة ثالثة انجبت طفلا بذيل ايضا . وسرعان ما صار معروا أن مستشفى الشاطبي امتلأت بالاطفال المولودين ولهم ذيول .. تمنت كل حامل ان يسقط جنينها .. و بعضهن متن وهن يحاولن ذلك , وقيل ان العام عام لعنة فانقطعت الزيجات .. وصار القوي من الرجال لا يعاشر زوجته والضعيف يرسلها لأهلها او يطلقها حتى يمر العام

8

يوم الاربعاء من كل اسبوع يشهد كوبري التاريخ زحاما غريبا .. رجال وشباب وصبية حفاة مهترئو الثياب يتوافدون فرادى منذ الصباح الباكر ويتراصون بلا ضجة بامتداد الكوبري يولون وجوههم ناحية الميناء وتمتد عيونهم شاخصة في الفراغ الى الامام . تقف الترام في محطتها خلفهم ولا احد يترك مكانه الا في المساء . اكتشف الناس متأخرا جدا ان بالميناء فرنا يتبع الشرطه يمسى فرن الاعدام . يتم فيه حرق المخدرات المضبوطه على الحدود والسواحل وفي الاوكار . يوم الاربعاء هو اليوم المحدد للحرق . و النسيم القادم من البحر يهب على الكوبري مارا بالفرن ويصل للواقفين طيبا ممتزجا بدخان الحشيش المحروق حاملا الراحه و الهناء بالمجان .. الآن تتلكأ فوق الكوبري الترام وسائر المركبات

9

تزوج شاب وفتاة . جاء اهل العروس في الصباح لزيارتهما فلم يفتح لهما الباب احد . فكسروه ليجدوا الشاب فوق عروسه لا يستطيع افلات حيوانه منها ويبكيان لمكابدتهما طول الليل يحاول كل منهما التخلص من الآخر .. لفوهما في ملائة وحملوهما ليعودا من المستشفى منفصلين يدخلا شقتهما في منتصف الليل .. بعد يومين تكرر الحادث فصرخ الشاب مستنجدا بالجيران الذين حملوهما ملفوفين ليعودا منفصلين بعد منتصف الليل .. صار الناس يمشون تحت الشقة العاليه يشيرون اليها وستهامسون و يضحكون .. مر شهر دون ان يحدثشيء ولم يعرف احد ان العروسين فقدا القدرة على الاتصال ..لكنهما فعلاها ومزق كلاهما وجهه باظافره ندما ورعبا واضظر الشاب للصراخ مستنجدا بالجيران من جديد فحملوهما الى المستشفى ليعودا منفصلين عند الفجر .. في الصباح وقف الشاب وحده في البلكونه يصرخ ويلطم خديه وينظر من الدور الخامس الى الارض يكاد يقفز .. القت عروسه بنفسها ورأى جسدها وهو يرتطم بالارض ويهتز مره واحده كأنها الخفقه

10

يجلس بجوار المبوله العامه بالدخيله شحاذان . احدهما ناظر مدرسه ابتدائيه معروف كان يفتح المدرسه بالليل ويجبر المدرسين على الحضور و التدريس للمقاعد الخاليه , والثاني جزار بكى الخروف بين يديه وهو يذبحه وقال له انما هو كبش ارسله الله من السماء .. منذ ايام صار الرجلان اربعه


Posted by 4thH at 2:56 PM



12 Comments

  1. Anonymous Anonymous posted at 6:27 AM  
    رائع

    مجموعة قصص جميلة جدا

    بس هل كلها خيالية

    ولا حقيقية
  2. Blogger ربيع posted at 8:53 AM  
    يا عمرو دي حكايات قصيرة في أول كل فصل من الرواية
  3. Anonymous Anonymous posted at 4:27 PM  
    أخييييييييييييييييرا
    كنت فين كل ده

    حمدالله على السلامة

    قصص غريبة أوى ... بس لو دققنا فيها هنلاقيها مصرية 100 فى ال100

    1
    دايما فى مصر نسمع عن الاجولة و الكراتين مجهولة المصدر و المحتوى مالبيوت المسكونة و مفيش فيها ناس و يبدأ الناس تألف حواليها أساطير
    وياسلام لو دخلت الستات فيها
    أكيد كلنا سمعنا عن النداهة!!!

    2
    الراجل ده بقى بالذات بقى موجود فى كل مدينة مصرية
    ممكن تاخدوا بالكو منه و ممكن لأ
    ممكن تلاقيه عريان و ممكن لابس احسن منك
    ممكن تلاقيه بيجرى فى الشارع ليل نهار من غير هدف
    ممكن تلاقيه قاعد على النيل بيشرب سجاير ليل نهار ما تعرفش جابها منين
    ممكن تلاقيه بيجرى ورا البنات أو حتى الولاد
    عندنا هنا فى المنصورة واحد منهم-اه ما هما كتير- بيقف فى الاشارات وكل متعته فى الحياة انه يلمس اى عربية معدية
    بس الراجل بتاع القبارى ده كان وطنى شوية ولو انه جه متأخر
    افتكر الاحتلال البريطانى بعد النكسة!!!

    3
    كتير بنسمع عن ناس شافت أشباح أو ملايكة كمان ... بس أفتكر انه القصص دى دايما فيها تهويل
    ممكن تكون مجرد أحلام أو زيادة فى العيار حبتين!!!

    4
    أى مصرى ممكن يكون فياض
    أى واحد يصحى الصبح على صوت الزحمة و الكلاكسات عشان ينزل يقف فى طابور العيش .. مش عارف هيطلع منه امتى علشان يروح الشغل والا مش هايطلع أساسا .. ولو راح الشغل يشتغل زى الحمار طول اليوم بملاليم .. قال ايه علشان المرتب -ده لو كان موجود أساسا- بيتقطع منه علشان المعاش و الضرايب و التأمين الصحى
    !!!!مدد يا تأمين مدد!!!
    ولما يخلص الشغل يتشعبط فى الميكروباص و الا الترام و يتبهدل و يتنشل قبل لما يروح علشان يعرف يعوم خفيف وسط المجارى اللى ضربت فى الشارع
    و فى البيت -اللى المفروض انه جنته اللى هيرتاح فيها-هيدور على الراحة وسط طلبات البيت من كسوة و دروس خصوصية و مصاريف العيال و خروف العيد و ياميش رمضان
    ييجى فى الاخر -لو عاش بعد ده كله- يفتح التليفزيون علشان يتفرج على ماتش للأهلى فى كاس العلم-يتبسط شوية بقى .. حقه-يلاقى الشيخ صالح مشفر الدنيا عليه و كمان بيقول عليه حرامى
    يروح بقى يترمى على القهوة ساعتين يحرق صدره بحجرين قبل ما يطلع ينام علشان ما تفوتهوش الزحمة الصبح

    دى يوميات فياض من غير ما ندخل فى التفاصيل ولا السياسة الوطنية ولا الوفدية
    عايزينه يعمل ايه يعنى .. ينتحر!!!!

    5
    اهو ده راجل مثالى بيتكرر كتير أوى فى مصر .. و مش شرط انه يكون بيشتغل بره
    سافر يعمل فلوس علشان مراته وولاده
    غلطته انه ما سابش ست فى البيت ممكن يثق فيها .. مش غلطتها ان البرقية ما وصلتش
    وبعدين فى رجالة كتير بيسافروا بره يتجوزوا و ينسوا أهلهم اللى فى مصر!!!

    6
    ولايزال الزحام يبحث عمن ينظمه ويقوده لتحقيق دعوة الشيخ !!!

    7
    لاتعليق

    8
    المصرى دايما بتاع مزاجه
    والحكومة بتحب تكيف شعبها
    حد يقدر يقول لأ للحكومة!!!!

    9
    لا تعليق

    10
    دى ناس عاقلة
    أيوه عاقلة


    يعنى كنتو عايزينهم يعملوا زى فياض!!!!!!
    ________________________

    أنا ماعرفش القصص دى من تأليفك والا لأ
    وماعرفش انت تقصد بيها ايه

    مش ده المهم ولا التعليق مهم
    المهم انك بقصد أو من غير قصد رسمت الصورة النيجاتيف للمجتمع المصرى
    الصورة الموجودة على طول و مفيش ناس كتير بتاخد بالها منها
    صور بتعكس المجتمع المصرى كله مش السكندرى بس

    يعنى مثلا فياض ده ممكن يكون الراجل اللى قاعد جنبك فى المشروع أو فى التاكسى
    أو زميلك على المكتب اللى جنبك أو حتى البيه المدير
    ممكن يكون الكاشير اللى عند جاد أو اللى سايق العربية قدامك

    أما الأساطير و الخرافات فهى جزء من ثقافة الشعب المصرى
    و الأمثلة كتير

    أفتكر انك تقصد بعنا و عنها : اسكندرية و الاسكندرانيين
    أو مصر و المصريين

    فى الاخر أحب أقولك ان القصص دى فكرتنى بقصص الحارة بتاعت نجيب محفوظ لكن طبعا
    مع اختلاف الاسلوب

    معلش طولت شوية:)

    وما تتأخروش فى الكتابة تانى:)
  4. Blogger 4thH posted at 4:31 PM  
    عمرو و ايهاب : القصص من تأليف ابراهيم عبد المجيد في رائعته بيت الياسمين التي تتحدث اساسا عن الاسكندريه كمدينه و عن القاطنين فيها

    ربيع : شكرا على التوضيح .. حبيت بس اؤكد
  5. Anonymous Anonymous posted at 7:34 AM  
    شكرا على أختيارات جميلة
    إبراهيم عبد المجيد أبن باكوس البار يستحق الكثير من النقاش حول أعماله
  6. Anonymous Anonymous posted at 3:36 PM  
    أود التعليق على البوست الجميل ... لكن عندى امتحان بكره و مفيش وقت اكتب .... الى عايز اقوله بس ان موضوع كوبرى التاريخ و اعدام الحشيش هو حقيقة علمية سكندرية مؤكدة لكن للأسف توقفت هذه العلاوة الحكومية المجانية و حرمت منها أدمغة الشعب السكندريى
  7. Blogger عشقك ندي posted at 5:35 PM  
    أحلي مسا لأحلي اسكندرانية جدعان
    أنا بامسي اجدع تماسي أحسن تماسي أحسن تقولوا ان انا ناسي
    ايه يا جدعان هي اسكندرية كده مليانة عظماء
  8. Anonymous Anonymous posted at 3:25 PM  
    هى القصص دى حقيقى ولا ايه؟؟؟؟؟؟؟؟؟؟
    تبقى مصيبه اسكندريه فيها كل دا من ورايا
    شكلى هبفى المجنون الخامس
  9. Anonymous Anonymous posted at 3:32 PM  
    7md allah 3la elslama elawl..nice post sanyan...we nice stories 3gbny mnha kteer
  10. Anonymous Anonymous posted at 3:17 AM  
    لا أحد في الدخيله لايعرف الحاج عبد التواب هو صاحب اكبر اسطول .............سنة وفي الفجر روع الناس بصراخ زوجته التي خرجت تجري في شارع الجامع حافية تقفز كثيرا في الهواء . لقد تعود الحاج عبد التواب منذ رزق بالغلام ان يمضي معظم الليل يسبح باسماء الله . تلك الليله ظل يردد يالطيف يالطيف يا لطيف . يتلطف في الاداء حينا و يندفع فيه كثيرا ولم يسمع قط تحذير زوجته. اللطيف من الاسماء ذات الاثر الكوني السريع . هكذا علق المتفقهون في الدين بعد الحادث . و الذي حدث هو ان سقف الغرفه انشق الى نصفين اندفع من بينهما طائر ضخم الجناحين ابيض سابغ غمر الغرفه بضوء ازرق يخطف الابصار وحمل الطفل الى صدره وضم عليه صاقيه وارتفع من بين السقف المقلوق يشق الفضاء الى السماء السابعه حيث عرش الله




    ده نص القصة الثالثة

    ولست أدري

    إن كنا نعشق الخرافات

    فلماذا نحاول أن نقحم الدين وأسماء الله في هذه التفاهات

    أتمنى أن يبقى الدين معظما مصانا عن العبث به وإقحامه في التهريج والخرافات


    وبعدين مش عارف ايه المقصود يعني من القصة دي بالذات

    واشمعنى الراجل اللي بيذكر بنا يعني تطلع مراته زي المجنونة في الشارع وابنه يتخطف...لا وايه كل ده قال بسبب اسم الله اللطيف

    كبرت كلمة تخرج من أفواههم إن يقولون إلا كذباً
  11. Anonymous Anonymous posted at 9:30 AM  
    بيت الياسمين
    من احلى الروايات اللي طلعت بيها من مكتبة الاسرة
    رواية تقلب في صفحات الماضي بأسلوب لذيذ

    وعجبتني اوي انك جيبت بداية الفصول
    تعرف انها فكرتني بالقصة كلها !!
    رغم انها ملهاش علاقة بالقصة :)
  12. Anonymous Anonymous posted at 3:59 PM  
    كلامك جميل ..يمكن علشان انا بحب الاسكندريه بس كلامك بجد رائع..بس انت مقلتش انت منيين

Post a Comment

« Home