Wednesday, December 27, 2006

حمرا يا قوطه

دلوقتى كل لما أروح القاهره و أسمع الجمله دى أستغرب مووت... أصل المفروض أن أسمها حمرا يا طماطم ... بس من تسع سنين ماكانش ده الحال ... هحكيلكم حكايه حصلت كده من تسع سنين.
البطل ولد خدوده متختخه داخل كليه هندسه أسكندريه لأول مره و جاى من القاهره بلد العجايب بس المنظر اللى قدامه عمره ما شافه قبل كده... أيه ده مبانى طراز فرعونى على عمدان طويله و دنيا غير الدنيا .

أحساس ثقيل من الرهبه يتملكه و هو ينظر الى أعلى ... الى قمه الكليه و الشمس تلتمع فى عينيه و تدوى فى أذنيه موسيقا شوبان و هو كالأبله يقف أمام المبنى و الناس الداخله تتجنبه و تنظر اليه كالأبله

تدخل بنت بسرعه الكليه متأخره على المحاضره و عماله تلملم تعابينها , حرف تى مدلدل و ورق بيطير و كراسه محاضرات . شنطه صغيره فيها مرايه و قلم روج و قلم روترينج نص مللى

بدون أن تقصد الفتاه تصطدم بالفتى المذهول, تلقى عليه نظره بأبتسامه عطف فى حين تلتمع عينيى الفتى بشبق الحب من أول نظره... نطلق هى الى المحاضره فى حين يتذكر هو أن عليه حضور أول محاضره رسم هندسى

قاعد فى المحاضره فرحان بنفسه و الدكتور عمال يمللى الطلبه الحاجات اللى لازم يجيبوها... أصل أبن خالته اللى معاه فى الكليه جابله كل حاجه.
الدكتور: بصوا يا ولاد .. حرف تى و يستحسن يكون خشب .. طقم مثلثات تلاتينى ستينى .. فرينش كيرف.. مثلث أرسطو علشان الوصفيه مش الرسم فاهمين... قلم رصاص نص مللى ... و مفيش داعى أقولكم جومه نظيفه علشان متوسخوش اللوحه.

يهبط عليه الخبر كالصاعقه و يظل طوال المحاضره يسائل نفسه و ينظر حوله فى ذهول .. ما هى الجومه ؟... كل ما أملك حاليا عشرون جنيها و ربع ... يارب سترك.

بيكلم نفسه و هو داخل المكتيه " انا هروح بربع جنيه و يارب العشرين جنيه تكفى الجومه ... يا ترى سعرها كام... يقف أمام البائعه و بكل ثقه مخفيا قلقه
" لو سمحتى عايز جهاز جومه"
تنفجر البائعه فى الضحك " ماشى يا باشمهدس" تطلعله ما يسمى بالأستيكه
يااه قد أيه باشهندس ممكن تبقى محرجه, و ياريتها تيجى على قد كده

يدخل صاحبنا الكليه فيلاقى أبن خالته قاعد مع البنت اللى خبط فيها الصبح

و فجأه تتوقف الدنيا من حوله و تظهر الحوريات من اللامكان و يبدئن فى عزف الحان الجنه و تتطاير الفراشات الورديه فى المكان مؤذنه بقدوم الحب
"ها و أنت عايز تبقى أيه لما تكبر بقى"تطعنه هى بهذه الجمله بعد ما أبن خالته عرفهم ببعض على أنه أبن خالته فقط .

"ينهار أبوكى أسود.. انا معاكى فى الكليه يا بنتى"
" أحييه ... انا أسفه قوى انا أفتكرتك فى ثانوى"

هبا.. أقفش عندك تانى صدمه بعدالجومه... أحييه...أصل فى القاهرة العيال الصيع بس هما الل بيقلوا الكلمه دى... و انا بقى وشى أحمر و أصفر و أخضر .. و أستأذنت بدرى و انا مفكر أن كل بنات أسكندريه متحرره خالص ..
يااه كانت أيام ... دلوقتى بنزلَ على القمه و أوقف مشاريع وأكل فلافل و أمسح بالجومه و أشترى بسطَرمه بجنى و حالتى بقت بالبلا ... لكن هتضل ريحه اليود أول ما أعدى الطريق الدولى و انا داخل أسكندريه أحلى عندى من الدنيا و ما فيه

Posted by Bahz.Baih at 1:47 PM



20 Comments

  1. Anonymous Anonymous posted at 3:13 PM  
    ههههههههههه عجبتنى اوى عايز جهاز جومه
    بعدين بتوع مصر يعنى مش مقفلين كدا محسسنى انك كنت جاى من كوكب تانى
    بحييك على روحك الحلوه واسكندريه اجدع ناس
    بلدى وموطنى الاول والاخير
  2. Anonymous Anonymous posted at 3:37 PM  
    l2et nfsy fe klamk..nice potst...alex is my love..m3 eny mn el3alam elakhr..lol
  3. Anonymous Anonymous posted at 5:07 PM  
    sab7 el fol

    enta 3amalt zayye bel zabt
    bs ana s2lt bent eskandaraneyya m3rafhash 3la el goma w matet 3ala ro7ha mn el de7k brdo

    ana b7sedak b 3eni el mdawara :) ennak da7'alt gam3et eskendryya .... kan nefsy ad7'ol teb alex 3shan ashem el yood kol yoom

    w b3deen enta ma oltesh el mohem
    a7'bar el 7ob mn awel nazra eh b3d 5 seneen el koleyya ;)
  4. Blogger haisam (jarelkamar) posted at 5:59 PM  
    البوست ده مجرد مثل لحقيقة ان النحت في الصخر ينول المعجزات
    ..
    صديقنا العزيز بهظ بيه هو اول و اخر من حصل على الجنسيه بعد اختبارات شاقه و عنيفه .. و تحاليل دوريه اثبتت ان تركيبه الجيني اصبح سكندريا مائه بالمائه
    ..
    يابهظ انت امل و مثل لملايين الشباب القاهري وغير القاهري المتطلع لما حققته
    ..
  5. Blogger Bahz Baih posted at 9:17 AM  
    This comment has been removed by a blog administrator.
  6. Blogger Bahz Baih posted at 9:50 AM  
    همس الليل
    بصى و الله انت متعرفيش أد أيه أختبارات الرجوله السكندريه صعبه و شاقه للغايه...بجد المصطلحات السكندريه بالنسبه لقاهرى أول مره يجى كانت زى اللبنانى بالضبط ليها سحر بس مس مفهومه و جهاز الجومه كان أجمد أفيه حصل معايا أول أيامى السكندريه

    الحب المتلج
    لو لقيت نفسك فى كلامى متترديدش و تعالى اسكندريه... هتنبسط جداً بس أياك و النظره العنصريه بتاعه ميه مالحه و كده أصلهم هنا عندهم خياشيم و بيشموا ريحه العدوانيه

    أيهاب توفيق
    الحب من أول نظره بس مين يا عم الحاج بعد خمس سنين كليه هى أتخرجت و انا كنت فى سنه تانيه لسه... فأنتهى بطبيعه الحال و أل الى الزوال

    حبيب قلبى هيثم باشا
    يا باشا كراهيه عم محمد ماكانتش سهله الأحتمال ... و عازف الناى كان قصير قوى ... و المشوار من محطه الرمل لغايه السياله مخترقا شارع فرنسا كان طويل جداً... بس الحلو أن انا قابلتكم فى الأخر
    فشكراً على صداقتكم اللزجه
  7. Blogger ماشى الطريق posted at 12:46 PM  
    أيوة كده مظبوط
    أنا فاكر أول مرة شوفتك يا بهظ حسيت إن فيه فى رقبتك عرق غريب عن أهل إسكندرية
    بس من الواضح إنك فى طور الترقى للوصل إلى الأنسان السكندرى النقى
    مٌبارك عليك التطهر يا ولدى
    :)))))))))))
    طبعاً مش حتكلم عن كلية الهندسة علشان هى ما تستاهلش إنى أعبرها بأى كلام أصلاً
  8. Blogger Bahz Baih posted at 2:49 PM  
    عزيزى ماشى الطيق
    وحياه اللى جابوك بلاش حكايه مبارك دى
  9. Anonymous Anonymous posted at 5:15 PM  
    يا مظبطني يا بهظ بيه :)

    أنا كنت في يوم زيك داخل هندسة، بس للأسف كانت الفيوم مش اسكندرية.. هو حصل لي نفس المواقف مع اختلاف بعض الألفاظ، الفرق بيني وبينك حاجتين

    1) كانت محاضرة رياضة مش سم هندسي
    2) ما لحقتش المحاضرة :D

    يللا سلام..
  10. Anonymous Anonymous posted at 6:28 AM  
    بجد
    أنتوا تجننوا
    حسستونى أنى فى أسكندريه وأنا فى غربتى عنها
    المره الجايه وأنتم ع التجاريه أفتكرونى والنبى
    ولا وأنتم بتعدوا قدام الكريستال أبقوا أفتكرونى
    ممكن يوم أشرب قهوه جنبكم من غير ما نعرف بعض
    لكن بجد أنا بأحبكم
  11. Anonymous Anonymous posted at 11:22 PM  
    احلى حاجة فى الدنيا الذكريات اسلوبك سلس و جميل
  12. Anonymous Anonymous posted at 9:25 AM  
    ياااااااااه
    فكرتني بأول يوم ليا في الكلية دي
    واقفة عند ادارة وعايزة اروح اول محاضرة في ك3 اسأل اللي ماشيين ااقولهم هي ك3 فين في مبنى اعدادي بالزبط !!
    يبصو لبعض ويضحكو ويقولولي شكلك اعدادي :)
    محاضرات اعدادي في مبنى كهربا مش اعدادي
    سبحان الله :)
    النهاردة انا بقعد في قمة الكلية وابص للكلية من فوق وقلها كام سنة وحخلص من همك وحتوحشيني يا احلى سنين عمري

    اشكرك وبشده على شوية الذكريات دي
    وانا اول مرة اعرف ان كلمه جومة دي اسكندرانية واعذرنا على كلامنا انا عارفة ان المصريين مش بيحبو عشان كدة ؛)
  13. Anonymous Anonymous posted at 7:39 AM  
    ضحكتنى ....

    فكرتنى بايام ما كنت فى الامتياز فى مستشفى الميرى .. و نبات فى سكن الامتياز ,, ونصحى وقت صلاة الفجر .. نصلى فى جامع القائد ارباهيم ... ..وبعدها نطلع على محطة الرمل مشى .. علشان نفطر ..ز ..
    واذا طقت فى دماغنا ناخد الترام و نطلع بحرى عند باب الجمرك نفطر عند سيد صواريخ ...
    تحياتى لموقع جميل يذكرنى بايام الزمن الجميل
  14. Blogger koukawy posted at 1:47 PM  
    انا عندي صحابي اسكندرنيه كتير اوييي كنت في الأول بستغرب اللي بيقولوه و بعدين بقيت بفهميهم 00الحمد لله
  15. Blogger سوسكــا posted at 11:26 PM  
    هههههههههههههه
    لا جامدة بجد

    انا عشان قضيت اول سنة كلية بره اسكندرية كنت متبهدلة مع صحابي اللي من محافظات مختلفة وكنت باخد تريقة علي كل كلمة.. جومة ومشروع واحيه والفتحة بتاعة الفعل الماشي ويوم الاربع وكل الكلام ده... ياه ده كان ناقص يعملوا عليا بحث في فرق اللهجة بيني وبينهم

    بس فكرتني بجد باول محاضرة في اعدادي وخااااصة الارسطو للوصفية مش للرسم..
    الكلمة دي وانا اهو بقالي 3سنين في عمارة برضه بتتقال ولا حياة لمن تنادي
  16. Blogger وشوشني posted at 3:00 PM  
    حلوه جدا تعبيراتك احسن حاجه فيك انك ماشي مع العصر افهمها انت يا باشا
    ياريت تزورني مش في القاهره ان شاء الله على البلوجر
  17. Blogger اسكندراني اوي posted at 11:40 AM  
    هههههههههههههههههههههه
    انا عينايا دمعت من كتر الضحك

    مش ممكن

    اه هذه هي التعبيرات السكندريه اللتي لا يعرفها غير السكندرييين
  18. Blogger حاتم آطم وطماطم posted at 7:51 AM  
    اول حاجة السلامو عليكو-ده عشان انا لسه جديد-تانى حاجة تساؤل بسيط هوا انتو كلكو فى كلية هندسة ؟ ده مدينى انطباع ان اسكندرية كلها مهندسين مع انى مش حاسس بكده خالص التالتة بقى انى فرحان بيكو عشان بتحبو اسكندرية وطنى وموطنى -وبالنسبة للاخ الباشمهندس العزيز على قلبى السكندرى المتوحش اقول لك بكل ابن فخر لقد اصبحت منا وامسيت فينا وبين الفينا والاخرى تذكر هذه المدينة التى ماان نظرت لبحرها مرة فلابد وان تعاود الكرةعلى حينى غرة,وبعدين بقى احب اقولك انى رايح القاهرة -للدراسة برضو- فااحب انك تهدينى شوسة نصايح اكيد حتكون عزيزة عليا,وبالمناسبة لو حد فيكو قرى مدونة باكوس وحس بالفضول لهذه البقعة الفريدة حقا فانا يشرفنى اتطوع واخليكو تشوفو الكلام ده لايف على الهوا يامعلمين اوكز.فلتبقى باكوس حية مزدحمة الى ابد الآبدين واهلا بيا لو مش كلكو مهندسين . انا/تجارة وآداب اسكندرية
  19. Blogger will posted at 10:11 AM  
    情趣用品,情趣,情色,成人,A片,自拍,情趣用品,情趣,色情,成人影片,色情影片,免費A片,情趣用品,情趣,成人網站,A片下載,日本AV,做愛,情趣用品,情趣,美女交友,A片,辣妹視訊,情色視訊,情趣用品,情趣,色情聊天室,聊天室,AV,成人電影,A片,情趣用品,情趣用品,情趣,情趣

    情色,A片,AIO,AV,日本AV,色情A片,AV女優,A漫,免費A片,A片下載,情色A片,哈啦聊天室,UT聊天室,聊天室,豆豆聊天室,色情聊天室,尋夢園聊天室,080視訊聊天室,080聊天室,080苗栗人聊天室,免費視訊聊天,上班族聊天室,080中部人聊天室,視訊聊天室,視訊聊天,成人聊天室,一夜情聊天室,辣妹視訊,情色視訊,成人,成人影片,成人光碟,成人影城,自拍

    情趣用品,A片,AIO,AV,AV女優,A漫,免費A片,日本AV,寄情築園小遊戲,情色貼圖,色情小說,情色文學,色情,色情遊戲,一葉情貼圖片區,色情網站,色情影片,微風成人, 嘟嘟成人網,成人,成人貼圖,18成人,成人影城,成人圖片,成人影片,UT聊天室,聊天室,豆豆聊天室,尋夢園聊天室,080聊天室,080苗栗人聊天室,080視訊聊天室,視訊聊天室

    情趣用品,A片,aio,av,av女優,a漫,免費a片,aio交友愛情館,a片免費看,a片下載,本土自拍,自拍,愛情公寓,情色,情色貼圖,色情小說,情色文學,色情,寄情築園小遊戲,色情遊戲,嘟嘟情人色網,一葉情貼圖片區,色情影片,情色網,色情網站,微風成人,嘟嘟成人網,成人,18成人,成人影城,成人圖片,成人貼圖,成人圖片區,成人小說,成人電影

    情趣用品,情趣用品,情趣,情趣,情趣用品,情趣用品,情趣,情趣,情趣用品,情趣用品,情趣,情趣,情趣用品,情趣用品,情趣用品,情趣用品,情趣用品.情趣,情趣,情趣,情趣,視訊聊天室

    麻將,台灣彩卷,六合彩開獎號碼,運動彩卷,六合彩,遊戲,線上遊戲,cs online,搓麻將,矽谷麻將,明星三缺一, 橘子町,麻將大悶鍋,台客麻將,公博,game,,中華職棒,麗的線上小遊戲,國士無雙麻將,麻將館,賭博遊戲,威力彩,威力彩開獎號碼,龍龍運動網,史萊姆,史萊姆好玩遊戲,史萊姆第一個家,史萊姆好玩遊戲區,樂透彩開獎號碼,遊戲天堂,天堂,好玩遊戲,遊戲基地,無料遊戲王,好玩遊戲區,麻將遊戲,好玩遊戲區,小遊戲,電玩快打

    麻將,台灣彩卷,六合彩開獎號碼,運動彩卷,六合彩,線上遊戲,矽谷麻將,明星3缺一,橘子町,麻將大悶鍋,台客麻將,公博,game,,中華職棒,麗的線上小遊戲,國士無雙麻將,麻將館,賭博遊戲,威力彩,威力彩開獎號碼,龍龍運動網,史萊姆,史萊姆好玩遊戲,史萊姆第一個家,史萊姆好玩遊戲區,樂透彩開獎號碼,遊戲天堂,好玩遊戲,遊戲基地,無料遊戲王,好玩遊戲區,麻將遊戲,好玩遊戲區,小遊戲,遊戲區,電玩快打,cs online
  20. Blogger 雪花 posted at 7:01 AM  
    福~
    「朵
    語‧,最一件事,就。好,你西.............................................................................................................
    ..................-...相互
    來到你身邊,以你曾經希望的方式回應你,許下,只是讓它發生,放下,才是讓它實現,你的心願使你懂得不能執著的奧秘

Post a Comment

« Home