26 Comments

1.  الأميره أوسه posted at 3:15 PM  
   أسكندريه جميله فى الشتا
   بحرها لو أنت غريب عنه فى الطله الأولى يخوفك وفى التانيه يسحرك
   لو بعدت عنه تلاقيه يندهك
   ولو أتكبرت عليه أكيد هايغرقك
   أوسه جاهين
   بنت أسكندريه
   و حاليآ أعيش فى قريه كبيره
   أسمها القاهره
   وهى رغم زحمتها لكنها لمشاعرى قاهره
   بس أعمل أيه الدنيا كده
   وهنيآ لك بالأسكندريه
   عقبال متاخد الجنسيه
   ونقولك يا أبو سكندر
2.  Anonymous posted at 11:57 PM  
   صباحو فل قبل أى حاجة
   
   أفتكر يا أوسة انه بهظ بيه أخد الجنسية خلاص
   مفيش حد يقدر يحس البحر زى ماهوه حسه " حسيته روح حره بتحب و بتكره ... بتحب الحضاره و بتكره الجهل ... روح شفافه اللى فى قلبها على موجها " الا اسكندرانى شرب من بحرها :) واستحما فى مطرها :)و أكل من سمكها :) و بلع باليود اللى مالى جوها
   
   اللى يتكلم كده عن البحر"فى الشتا البحر جنيٌه الألهام ... حكيم الزمان... شاف و دار و عارف و بيقولك و بيكلمك ...بس أنت أسمع... " يبقى أكيد كلم البحر و هو كلمه.. يبقى أكيد أخد الجنسية و كمان رمى الجنسية القديمة فى المالح
   
   اسكندرية ليها جوها و شخصيتها اللى مش أى حد يقدر يفهمها زى ما هو فهمها
   
   _________________________
   
   وبعدين يا بهظ شكلك قديم قوى :):):):):)
   من امتى و الاهلى بيخسر
   :P:P:P
3.  Dananeer posted at 2:41 AM  
   ياااه
   حاموت و تندهلى انا كمان اليومين دول
   
   ساعات بافكر ياترى لو بحرها كان عندنا هنا حيبقى ليه نفس الطعم
   
   و عندك حق اسكندريه فى الصيف بتصعب عليا انا حتى يا قاهريه
4.  Anonymous posted at 9:32 AM  
   منك لله يا اخى
   
   اهو انا بجد نفسى دلوقتى فى السيجارة اللى على البحر ومع نفسك وعيش
   
   بجد جامدة بغبا
5.  Anonymous posted at 7:34 PM  
   يلا بقي انزل اشرب علبه سجاير علي البحر
   علشان الاهلي شال 3 في القاهرة من الدراويش
   3 مع الرأفه
6.  Anonymous posted at 1:19 AM  
   انت عارفة انك خلتيني عاوزة أركب أول طيارة و ،ازل على اسكندرية و أقعد على البلوكات بتاعت كامب شيزار اللي تعرني كويس قوي و اأكل القطط اللي مليانة هناك..
   ينعل أبو الغربة
7.  Anonymous posted at 1:00 PM  
   تحيا اسكندريه
   نيل مين يا عم دا لا مؤاخذه ترعه
   وتحيا اسكندريه
8.  محمود محمد حسن posted at 1:17 PM  
   تعرف إن فعلا الصيادين بيكرهو البحر في الصيف ....البحر في الصيف بيكون ملوث جدأ ...والمية بتاعته بتكون مليانة زيت وزفت وقرف
   
   البحر في الشتاء في الغالب بيكون ودييييييييع جدا وصافي وحصيرة ...وازرق وجميل حتى ايام النوات بيبقى جميل
   
   اللي ييجي اسكندرية بجد يجيها في الشتا
9.  Hend posted at 2:15 PM  
   إسكندرية و سحرها
   لما تكون في عز النوة و انت و لا على بالك و ماشي تحت المطر تتنطط
   إسكندرية لما تحس و انت داخل على بابها ان صدرك بتفتح و بتدب فيه الحياة من تاني و كأنك مكنتش عايش
   إسكندرية لما تفرد همومك عالبحر و المية تضوي في عيونك زي ما تكون بتطبطب عليك و بتحضنك
   إسكندرية اللي كل ما تفتكرها تحس بدفا الشمس على جلدك و طعم الملح على شفايفك و ريحة اليود و نسمة هوا معدية على جلدك تبوسه في عز الحر و تخلى جسمك يقشعر
   اسكندرية ما تتوصفش دي تتعاش و تتحس بس
   ابقوا زوروني في مدونتي
10.  أحمــــــــدبــــــــــلال posted at 5:26 PM  
    أحييييييييييييه على أسكندرية فى الشتا بعشقها
    بتبقى بالنسبالى أجمل من باريس
    بالرغم من أنى ماروحتش باريس
    بحبها
    بلدتى و مدينتى
    كلما كبرت كلما أزداد جمالها
    
    و بعدين بحرنا ده مش أى بحر
    
    تخيل لما أقابل حد من محافظة تانية قبلية غالباً و يقوللى مابيعرفش يعوم
    يانهار أسود أزاى يابنى
    عيب على الاسكندرانى أنه يكون مابيعرفش يعوم
    
    على فكرة أنا مالحقتش أعلق على البوست اللى فات
    بس بجد عجبنى أوى
    أنا كمان بستغرب ليه أصحابى فى القاهرة بيبوصولى بصة غريبة لما أقول أحييه عادى فى وسط الناس زى ماأكون شتمتهم شتمة أبيحة
    
    أمال لو عرفوا باقى القاموس السكندرى هايعملوا أيه
    
    
    بحبك يا أسكندريتى
11.  Anonymous posted at 12:23 AM  
    اسكندرية يا لهوىىىىىىىىى، انت هتقوللى؟ كلن لى الشرف قضاء اربع شهور الصيف فى اسكندرية من الابتدائي لحد الجامعة، وكان يوم طين لما امى تيجي تسحبنى عشان ترجعنى القاهرة، نيل ايه اللى كنت فاكره حاجة ، دا خرابة، يا سلام بعد المطر، انزل اتمشي على ستانلي، ومعاك سجارة، بس بقي متحسرنيش
12.  Anonymous posted at 6:34 PM  
    اسكندريه والبحر والهوا والشتا
    اسكندريه كوبرى ستانلى والمكتبه ومحطه الرمل
    اسكندريه حبى وبلدى
    واول ما عملت المدونه بتاعتى اول موضوع كتبتو عنها عن بلدى اللى بحبها كان عن اسكندريه
    ياريت تشوفو اول موضوع كتبتو
    http://cat-alex.blogspot.com/2006/09/blog-post_115777505476307076.html
13.  Anonymous posted at 4:32 AM  
    انا أسف لكل من شعر بالأهانه بس بجد أنتم فايتكم كتير
    
    =================
    
    شرياننا شق تلك التربة من أولها لآخرها
    
    فلا يمنح أحد العطاء و يمنعه عن الآخرين
    
    من لم يره حتى الجنوب ..هو الذى لم ير فى حياته نيل
    
    
    و أحب المالحين ..المتوسط و الأحمر.. كثيراً
14.  Guevara posted at 5:05 AM  
    يظهر إني بقالي كتير فعلا ً مش متابع (حركة) التدوين
    
    مين دول؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
15.  non posted at 11:52 AM  
    بحر الاسكندرية، شوارع محطة الرمل و مبانيها القديمة، و القعدة فى بحرى عالبحر و خصوصاً مكان اكتشفته عالبحر فى بحرى جنب "تيكا" و هوه نادى لتعليم الغطس و تشوف منه منظر روعة. و المرسى ابو العباس باليل، و الاسكندرية عامة فى الساعة 7 صباحا هى اجمل ما تكون، تخليك تحس انك عايش فى الستينات او السبعينات، الدنيا فاضية و الشمس لسه بتطلع من ورا السحاب و منظر الشجر فى سموحة الرائع. كل هذه الاماكن تجعلنى اعشق مدينتى و تصبرنى على حال البلد.
16.  ahmed nabil posted at 2:38 AM  
    3aref ya hayssam
    ana kont meddaye2 awwel mabada2o ye3melo errasseef el gedeed da, etnafakht begad, w kont 7assess enn el ostaz el mo7afez el gedeed da mesh mekaffeeh enn el nass beto3 el kahera beyeego yez7emo el 7ayah (7ayseyyan we nafseyyan) la2 kaman da meshaghghal el eskandaraneyya 3andohom, yewaddabolhom el shaware3 w mesh mushkela kaman yela2o makan yerkeno 3arabeyyat hom, el mohem enn el kahreyyeen yeego yela2o el 7ayah zareefa we7na tozz feena, begad this came on my nerves geddan, bass bada2t afakkar enny lazem astamte3 bella7za elly ana feeha 7'assatan enny mesh damen a3eesh leghayet makammel ketabet el comment dee, huwwa da e7ssas mur3eb ana faker marra wana sughayyar makontesh 3aref anam lamma 7assait enny mumken mass7ash essob7, wafdal nayem, fekra mur3eba, bass still muree7a, 3eesh ella7za w lamma yeego el nass men el qahera wana lessa fee alex mumken akoon mott, w tab3an da arya7 bekteer men araf el rakna wel mashya wel 7ayah wel naffass wel muwasslat w klul waga3 el alb dah ...
    feeh mushkela enn e7na ka2eskandaraneyya men kotr el defa3 3anha we 7obbena feeha ba2a da hammena w bass, w ba2a ma3roof 3annena keda, ba2a shaklena, law e7na mesh keda fe3lan, tafheenm bass momken teb2a dee dareebet el 7obb, aw yekoon kol da kalam fady wana 7amoot delwa2ty.
17.  Yasmine Adel Fouad posted at 11:30 PM  
    فايتنا اكتر من الكتير بكتير
    رغم انى قاهرية بس بحس ان بحر اسكندرية ده الوطن بتاعى
    بيننا كيمياء
18.  3amr posted at 5:28 AM  
    صباح الفل يا جدعان
    يمكن انا قديم اوى فى علاقتى بالبحر
    ده مش لانى سكندرى الجنسية بالميلاد وليس الاكتساب اللاحق
    بس لحكاية قديمة كدة
    ما اتوترتش علاقتى بيه غير فى الفترة اللى كنت بقرأ فيها فلسفة الاديان كنت صغير بقى
    المهمان علاقتى بالبحر زى علاقتى بالقلم و الورقة
    محدش بيعرف اللى بينى وبين القلم و الورقة غير الورقة
    باختصار اعظم آمال ورقة اكتبها انى انساها على المكتب لحد الصبح و كدة ممكن يكون مصيرها درج المكتب مش صندوق القمامة
    
    فى النهاية عاوز اقوللك يا بهظ......
    اياان كان علاقتك بالبحر متحكيهاش
    علشان ديه حاجة فريدة من نوعها
    و مهما كنت بلوجاوى قديم فلن تستطيع وصف جمال البحر ...
    لا انت ولا انا ولا اى حد
    علشان ده جمال فريد بكل المقايس و الموازين وصفة يفوق اى بلاغة
    
    معلش طوولت عليك
    وسلام بقى يا سكندرى بالاكتساب....نيهع نيهع نيهع
19.  وشوشني posted at 2:53 PM  
    الحقيقه ومن غير ضحك انا مارحتش اسكندريه غير مرتين في حياتي وحتي لما رحت كنا محكومين ومعرفناش نتمشى بس الحقيقه ان عشقتها جدا من كتر اما اصحابي بيحكولي عنها
    في اكندريه بتحس ان انت كل الناس والناس انت لكن في القاهرع احنا بنفتقد الجو ده بس الحقيقه يابختك يا عم ماحدش أادك
20.  monofe posted at 8:52 AM  
    البحر بتاع اسكندرية 000000000000000فلة يا باشا
21.  monofe posted at 8:56 AM  
    i am there between your blood and flesh i am there diging in your heart with my nails do you know why this because i am yourself your mirror but i am not as you i am free you are prisoner between allowed and permitted
22.  monofe posted at 8:59 AM  
    hello allex cute people i am who admired you
23.  حلم الحرية posted at 4:39 AM  
    بجد في اسكندرية الشتا جنة
    احلي بحر هو بحر الشتا
    
    عالاقل في الشتا بالاقيه باعرف اكلمه ويكلمني
    لكن في الصيف ده مش بيبقي بحر
    ده بيبقي بقايا بحر
    
    
    كلامك عن البحر وانك حسيته روح حره بتحب و بتكره ... بتحب الحضاره و بتكره الجهل ... روح شفافه اللى فى قلبها على موجها
    
    بيقول انك عايش حالة عشق بينك وبينه
    
    بصراحة بحر اسكندرية يستاهل يتحب خصوصا في الشتا
24.  Unknown posted at 10:40 AM  
    ba3sha2 eskendria fi kol el aw2at we7'sosan lama atla3 baraha. mogarad ma3refty en el ba7r mesh mawgood orayeb bat7'ana2 wi ka2en 3andy clostrophopia. wi bilnesba lli 2al en el neel zai el ter3a, hoa fe3lan keda, di ha2e2a(no offence).
25.  Zero posted at 12:02 PM  
    i hope to have the nationality too
    & i think about having work in Alex,
    so that I'll be able to live there.
    nice words ya man
    mas7'ara mooooot :) :):)
26.  ٌRonin posted at 5:47 PM  
    السلام عليكم يا اخوتى السكندرينين
    يا حاليقوا الرؤوس
    فى البداية يا باشا احب اهنيك على الجنسية السكندرية بس خلي بالك احنا مش بنحبوا معاها اي جنسية تانية يعنى تتخلص من جنسيتك القديمة وتخلعها
    بقولك يا ريس
    معاك فى كل اللى كتبته و عشان انت حسيت بالبحر يبقى البحر مش حيبخل عليك بجنسية عروسته واداهالك
    
    البحر ...دة صاحبي و صاحب كل الاسكندرانية تقدر تقول اخونا الكبير ساعات كتير بقعد اتكلم معاه و اشتكيله و يشتكيلى -مش جنان لا سمح الله-بس بجد بستريح وانا بتكلم معاه بحس ان روحى صيفيت و عرفت اللى عايز اعرفه
    البحر دة زي ما قولتلك اخوانا الكبير.. بحس انه حاسس بينا يعنى ساعات تحس انه مبسوط و فرحان وبيضحك وساعات تحس انه زي العيل الصغير بيقولك تعال العب معيا شوية وساعات تحس انه هادى و راسى وبيفكر فى حاجة وساعات تحس انه زعلان و حزين وتحس انه عايز يعيط
    اما لما بيزعل او يتنرفز فيلا السلامة بتحس انه مارد قايم و بيشيل كل اللى حواليه
    انا بحس بيه و هو بيحس بيا اصل احنا زي ما قولتلك فى الاول اصحاب واخوات
    تصدق انا ساعات بروح اتكلم معاه مخصوص لوحدى واعقد على الصخرة وافرد نفسى وافضل اتكلم معاه لحد ما انام و لما اصحى ابقى خلاص المشكلة اتحلت خلاص واقوم مستريح و كل حاجة فى الجون
    سامعك بتضحك وبتقول مجنون !! ماشى ياعم اصل انت عندك حاجة لونها زيتي و بقيت ريحتها وحشة للاسف
    والله ساعات بفضل اتكلم معاه اكتر ما بتكلم مع اهلى فى البيت!!! امى بيتشتكى من الموضوع دة انى مش بتكلم معاهم
    
    
    فلازم تجيي بعد كل دة و تبقى اسكندرانى
    ايوووووووووو يا جدعان مش حس بالبحر والبحر حس بيه
    كل سنة وانت طيب يا ابو اسكندر مرحبا بك فى عصبة الاسكندرانية
    ومبروك الجنسية
    
    
    Eleskenderia.blogspot.com

Post a Comment

« Home

Contributors

• S H E B A K
• Zeryab
• GAMA-lone
• Ρών.
• Mohammed
• 4thH
• ماشى الطريق
• Bahz.Baih
• Pianist
• moe
• Guevara