ايديولوجيه
بين ميامي و المحمره نظره
و بين مولات و مطاعم سموحه و عزبة سعد ميدان
...
بين قصور زيزينيا و "زفارة" سوق سمك باكوس مدرستان
و بين اناقة الازاريطه و عشوائية كوم الدكه شارع
..
بين ارستقراطية الابراهيميه و حواري زنانيري خطوه
و بين روتاري الاسكندريه و كبده اولاد الفلاح خمسون مترا
..
كان العالم ليختلف كثيرا , لو كان كارل ماركس اسكندرانيا
و بين مولات و مطاعم سموحه و عزبة سعد ميدان
...
بين قصور زيزينيا و "زفارة" سوق سمك باكوس مدرستان
و بين اناقة الازاريطه و عشوائية كوم الدكه شارع
..
بين ارستقراطية الابراهيميه و حواري زنانيري خطوه
و بين روتاري الاسكندريه و كبده اولاد الفلاح خمسون مترا
..
كان العالم ليختلف كثيرا , لو كان كارل ماركس اسكندرانيا
Posted by 4thH at 9:55 AM
22 Comments
هنا فى القاهرة نفس الشئ .. و أراه شئ طبيعى جداً
حمدالله أن ذلك الـ"كارل" لم يكن إسكندرانياً..
كنا سنفتقد التأمل فى تلك الأحوال
على فكره كل بالاد العالم كده
الموضوع مش جغرافيا يا جماعه
بوست جميل يا هيثم
و صعب إن حد يحسه غير لما يتشمى فى المناطق الى انته متكلم عنها و يحس بشعور الواحد و هوه فعلا بيتشمى فى الشوارع الفاصلة بين دول و دول
هى اكيد ظاهرة ديموغرافية فى كل بلادالعالم بس فى اسكندرية ليها شكل مختلف ... فى اسكندرية لازم تلاقى منطقة فاصلة بتحسسك بانك داخل على ايديولجية مختلفة ... اسكندرية جمالها بيساع الكل بيساع باشا و مليونير نازل من مرسيدس يدخل النادى السورى و راجل جميل غلبان بيتمشى و بياكل سندوتش كبدة من الفلاح و بينهم خواجة جريكى قاعد بيشرب قهوة فى إليت
لو كان كارلماركس أسكندرانيا
لأصبح الحق فى مشاهده البحر من شرفه المنزل من حقوق الأنسان
عزيزى هيثم
جميلة خاطرتك التأمليه المؤدلجه
وأتفق معك أن الفوارق الطبقية بالأسكندرية تكاد تكون سينمائية الطابع
كان شخص ما صممها بقصدية
لكن المدهش أكثر والمضحك
هو الردود على ما كتبته
الناس واضح انها فى الكازوزه خالص
والكلام أتزحلق على افكارهم التيفال زهران
سلم لى ع التورماى الصفرا
تحياتى
لامؤاخذه ممكن تعليق كمان؟
(مليونير نازل من مرسيدس يدخل النادى السورى و راجل جميل غلبان بيتمشى و بياكل سندوتش كبدة من الفلاح و بينهم خواجة جريكى قاعد بيشرب قهوة فى إليت)
أنا مش فاهم الصراحه أيه الجمال فى اللقطه دى خالص؟
ويعنى ايه راجل جميل غلبان؟
ايه الجمال فى الغلب والفقر؟
حاجه تجن يا عالم
بهظ بيه اتفق معك لابد أن يكون أمتلاك شرفة على البحر حق من حقوق الأنسان السكندرى
تحياتى تانى
اسكندريه ماريا وترابها زعفران
اجمل شىء فى اسكندريه ان مفيش احساس بالطبقيه الفظيعه اللى بتحس فى مصر
ما أراه جميلا قد لا تراه أنت جميل ... و هذا لا يجعلك تطالبنى بالتوضيح
اذا كان العالم تورته، فمعظم البشر هم الكيكة و القليل هم الكريمة التى تزينها، لا يفصلم شىء
احد الصدقاء قال يوما:
بين " الفول" و "الفيليه" حرف واحد فقط :)
لو كان كارل ماركس اسكندرانيا لسرح بالبطاطا عا الكورنيش شتاءً وصيفا عل البلاج بالفريسكا
لو كان كارل ماركس اسكندرانيا، كان زمانه في الفراعنة...
لو كان كارل ماركس إسكندرانيا كان زمانة واحد من السريحة فى الحلقة
لو كان كارل ماركس إسكندرانيا ...لكان قضى عمره كله في قسم باب شرق تحت الأرض يعاني من ريحة البكابورت اللي طافحة من سنين في الزنزانة
او كان اضطر لسياسة التكييس في سجن الحضرة لأن الزنازين لا يوجد بها حمامات ..فسيضطر للتعبئة في كيس كلما اتزنق
اسم المناطق عندكوا غريب
والله كأنها اسماء في اسطوره
مع إني مش معاك في أمنيتك بأنه لو كان كارل ماركس اسكندرانيا لكان العالم اختلف،بس أنا معاك جدا في نظرتك وتأملاتك وفي كل البلاد كده حي السود وشارع هارلم ورا مانهاتن بالضبط،بيفرلي هيلز قبل الحي الصيني.عادي .بس متهيائلي لو كنا مطبقين اسلامنا صح كان الفرق هيبقى حقيقي وواضح .في المدينة كان في صحابة أغنيا ورجال أعمال وصحابة فقرا بس كانوا عايشين مع بعض وبيساعدوا بعض وكان فيه صحابة محدش بيعرف يفرق بينهم وبين عبيدهم لا في اللبس ولا في المظهر...وعجبي
قريت كلامكم اللي كتبتوه هنا كله تقريبا عجبني منه حاجات كتير تدل على انكم اسكندرانيه صحيح و فيه حاجات خايبة ما عجبتنيش زي شرب البيرة و البانجو و الحاجات اللي انتم بتعملوها على اساس انها تمرد وهي عبط و خيابة
الصياعة بجد مش انك تكون امعه ماشي زي مالناس ماشيين لا
الصياعة صحيح انك تكون محترم وتقعد في وسط صيع كل واحد فيهم يفسد بلد و ما فيش حد فيهم يقدر يسيطر عليك
زي ما بنقول
الصياعة ادب مش هز .......اللي انتو عارفينها
و بعدين شكلكو كده من العيال ولاد الناس اللي ساكنين في فلمنج من عينة (هاي شلة-معايا لبان-يلا نطرقع) و عايزين تنحرفوا بالعافية
زمان كان الناس في قاع المجتمع الغير متعلم بيحاول يقلد الناس الهاي فتلاقي مثلا شلبية الجربانة ام عين وعين بتعوج لسانها و تقول أنا كل هدومي من بلاد برة من (المخلة الكبغى)طبعا تقصد المحلة الكبرى بس عايزة تقولها بالفرنساوي
دلوقتي الشباب النضيف بيقلد الصيع مش عارف ليه
تلاقي الشاب نضيف كأنه لسه مولود حالا و شكله مل يجبش اكتر من طبيب اطفال ويتخن لك صوته ويعوج لسانه ويقول
العيال ال.....ولاد ال.....مارضوش يرجعوا ال.....اللي في .....خلاص كده الولة بقي صيعة و جرم
ربنا يهدي
بس عموما و الشهادة لله فكرة جامدة و خلتني انا كمان اعمل حاجة كده اخلد بيها زكرى الوطن - باكوس .ابقو زوروها
http://baccus-city.blogspot.com/
مش فاهمة الرد اللى قبلى ايه علاقته بالموضوع اساسا
..
الرد اللي قبلك ده مش رد على الأيدولوجية يا ستي ده رد على الموضوع ككل و أنا حاططها هنا عشان
دي أجمل حاجة قريتها و كمان عشان خاطر هيثم
باكوسي زيي و يهمني مصلحته
شكرا
انا معرفش ازاى الحياة ممكن تكون ف بلد غير اسكندرية
هذا من أظرف الأشياء التى قرأتها عن الإسكندرية .. و من أكثر النظريات حكمة و حفة ظل
Post a Comment
« Home