55 Comments

1.  4thH posted at 10:35 AM  
   اولا : المدونه عشان ايجابيات اسكندريه انت كده فضحتنا الله يفضحك .. ماشي حسابك بعدين .. انت عارف اني اقربلك من حبل الوريد
   :)))
   
   ..
   
   ثانيا اللي انت نسيتهم يا بيه : بياعين الكتب جنب فشار جوجو ..ازعل قوي لو اعتبرتهم ضمن فرش الشارع .. الناس دي كونت كل ثقافتي الموسوعيه عن ادهم صبري و محمود نور الدين .. و كام كتاب مش بطال و الله . و عدد لا محدود من مجلات العربي
   ..
   كمان نسيت الراجل اللي استرينا منه سوا واحة الغروب لبهاء طاهر .. انا بعز بياعين جرايد شارع خالد بن الوليد جدا .. بحس انهم جزر من العلم وسط بحر من المصيفين .. انت عارف ان المنطقه دي بتبقى جحيم في الصيف .. البياع اللي قدام مستودع البيره عند سينما المنتزه كان بيبيع زمان مجلات جنسيه و كان بيفرغ طاقة شباب المنطقه الحقيقه لانه كان بيسمحلهم بالفرجه في مدخل العماره ( راجل عظيم ) ... بس ماتفهمنيش غلط يعني
   
   :))
   
   .. كمان الراجل بتاع محطة الابراهيميه .. و محل بقى عزيز على قلبي جدا تلاقيك ماتعرفوش لاني عترت عليه بالصدفه .. في شارع العطارين بعد حجازي بتاع الادوات الموسيقيه .. و انت رايح على المحطه . محل صغير كده ملغم كتب قديمه و رخيييييييييييصه بشكل غير معقول .. اشتريت منه روايات عاليه كتتير جدا جدا .. و غالبا سعر الكتاب ماكانش بيعدي ال2 جنيه
   ..
   و بعدين فين شارع النبي دانيال ؟؟ ازبكيتنا يا بيه
   ..
   بالنسبه للي انت ذكرتهم :
   
   الرملي : احسن حد تتفرج عنده .. و اخر واحد اشتري من عنده اي شيء .. اسعاره حراقه جدا و غالي ع الفاضي .. و كتبه قديمه . بس الحقيقه موقعه هو و اللي جننبه ميز لدرجة انك لازم تتشد و تتفرج ع الكتب .. مع ان اغلبها دلوقت كومبيوتر و ارماجدون و بتاع
   
   
   الهيئه العامه للكتاب : هاهاهاها .. مسخره كبيره جدا جدا .. بس و الله جبت منها احيانا كتب محترمه و اسعارها معقوله .. تبع ماما سوزان و بتاع .. فيها كتب فلسفه كويسه جدا على فكره .. اكتر حاجه بتستفزني فيها الموظفين اليل بيقعدوا يقشروا بصل .. و يبيعوا لبعض هدوم و اكل !!! مش ممكن يعني .. في واحد مفروض انه موظف بيلف بشنطه كلها هدوم داخليه كل مره ابقى هناك .. و شفته مره بيبيع لزبون جاي يشتري كتب
   
   :))
   
   بعدين نظام بيعهم للكتب متعب .. ليه ادفع في تلات اماكن مختلفه .. اساسا هي كلها قد كده
   
   ..
   دار المعارف : هههههه الراجل الاسود ده حبيبي .. شوف على قد استفزازه بس هو عارف فعلا كتب كتيره جدا و اسامي مؤلفين عرب و اجانب .. مره قلتله عايز ماركيز رصلي كل كتبه .. بعدين قاللي مافيش ولا واحده
   :D
   ..
   المفاجأه بقى ان مؤسسه المعارف الليجنب دار المعارف كويسه جدا .. حقيقي مش تقليس .. اللي هي بدورين دي .. فيها كتب مهمه ماكنتش اتصور الاقيها .. صحيح مادخلتهاش من زمان بس فيها روايات مترجمه ممتازه
   ..
   طبعا اشكر ذوقك انك ماقلتش ان انا الصديق اللي سال على دار الهلال .. انا جاللي الضغط بسبب المحل ابن المتربه ده .. مش ممكن يعني .. اساسا انا اتصدمت لما عرفت انه بيفتح .. يا حبيبي صاج المحل معووج و مصدي و القفل اكيد بقاله مقفول 100 سنه . عامة مين ده اللي يروحلهم من 12 ل 2 ايام معينه في الاسبوع .. و بعدين محل اكل عيش ايه ده اللي يفتح ساعتين في اليوم .. مش ممكن يعني . و النبي يا عم لما تيجي رايح عدي عليا ينوبك ثواب
   ..
   مش بحب مكتبات جرين بلازا .. مع اني عارف ان فيهم كتب مهمه .. خصوصوا اللي تحت السلم دي و بتشغل فيروز باستمرار .. ده غير اني اصلا مش بحب اروح جرين بلازا . انت عارف بنخبط في مين هناك دايما
   ..
   بوست جميل يا حوده
2.  Mohammed posted at 11:08 AM  
   عرض ممتاز
   
   خليني أضيف شوية ملاحظات،
   
   مكتبات الرصيف وباعة الجرائد في ميدان محطة الرمل وشارع سعد وصولا لدار المعارف ، مش بالسوء ده. لو عندك بال رائق ، فر وسط كتبهم. وسط ركام الكتب هتلاقي كل واحد عنده نسخ قديمة ورخيصة من كتب كويسة. بينزل عندعن كتب متصورة ورخيصة من اصدارات الساقي الجديدة.
   
   دار المعارف ممتازة، شيكاجو الأسواني مثلاكانت موجودة تاني يوم نزولها في القاهرة. الكتب الجديدة بيبقى حاططها فوق ترابيزة جوة المحل قصاد الكتب السياسية.الراجل اللي بيسأل "فيه حاجة معينة؟" قوله:"لأ ، بتفرج" هيمشي ويسيبك، غير اني اتصنفت "زبون" بعد فترة، وبقى بيسيبني أتفرج براحتي. المجموعة اللي عندهم كبيرة ، خد راحتك في الفرجة وهتلاقي حاجات تعجبك. ساعات هتكتشف نسخ وسط الرفوف من كتب نفدت من السوق وبأسعارها القديمة. باعتبر دي هدية ليا كدودة كتب:)
   
   منشأة المعارف: الدورالأول للكتب الدينية، لو مهتم بالكتب التراثية المتنوعة هتلاقيها برضه تحت. زي ما هيثم قالك، اطلع الدور التاني ، هتلاقي كتب قديمة قوي بس جزء السياسة والتاريخ فيه كتب كويسة ليهم.
   
   الهيئة العامة: قرف طبعا. بس أهم بيحطوا كل مكتبة الأسرة. لو عندك وقت فاضي، ادخلها واعمل مسح بطيئ للمحتويات، هتطلع بشوية كتب كويسة. ورا الموظفين فيه شوية كتب من المشروع القومي للترجمة.
   
   دار المستقبل: يا راجل حرام عليك. المكتبة بتصميمها ممكن تبان قديمة، بس عندهم اصدارات "تقدمية" كتيرة جدا. ممكن تلاقي كتب يسارية عتيقة هناك. لقيت كتب منقرضة فعلا هناك.
   
   قبل علاء الدين فيه مكتبة جنب بتوع العصير اسمها المعرض الدائم للكتب، فيها أغلبية كتب دينية، وجزء بسيط اصدارات الشروق
   
   جنب معهد البحوث الطبية على شارع أبو قير فيه محل كتب قديمة اسمه "أمل حياتي". مزرتوش من سنين. فيه كل مميزات وعيوب بياع الكتب القديمة. بينله انك هتشتري وهيسبك تهد الصفوف وترجعها براحتك.
   
   محطة كيلوباترا حمامات ، الشارع اللي داخل من الترام لبورسعيد فيه بياع كتب قديمة على الرصيف. جرب حظك معاه. بيقف من العصر للساعة 9 تقريبا
   
   أكمل ACML، بولكلى على الترام، كتب انجليزي، ومجموعة عربي قليلة
   
   مكتبة كارفور عادية، بس بالصدفة اشتريت منها كتاب كويس من اصدارات الدار. بتاع سامر سليمان. مكانش موجود في حتة تانية
   
   الهلال روحلهم الساعة 10:30 - 11 الصبح هتلاقيهم فاتحين. كنت بروحلهم أيام ما كنت بشترك في روايات الهلال قبل ما تخرب.
   
   
   الشروق في كارفور قفلت فعلا : ومكانها بقى مكتوب عليه ستار بكس :)
   
   موافقك في الكلام عن الباقي، بس الصورة مش بالسوء ده :)
3.  ماشى الطريق posted at 3:33 PM  
   هيثم جار القمر :
   أنا عامل البوست ده يا إبنى علشان الحسد إبتدى يشتغل على إسكندرية
   :D
   أنا حاسب البياعين اللى جنب جوجو صراحةً ضمن باعة الترام لأنى عمرى فعلاً ما إشتريت حاجة منهم أنا بس بتفرج
   بالنسبة لباعة خالد إبن الوليد
   دول حبايبى والله والراجل بتاع المجلات أول مرة أعرف عنه الحكاية دى
   السافل ....ماكانش بيورينى حاجة
   إنت ممكن تضيف عليهم من باعة الرصيف المهمين فى إسكندرية
   الراجل بتاع محطة القطر بتاعة سيدى بشر
   الراجل اللى عند محطة ترام لوران
   الراجل اللى عند ترام بوكلى
   الراجل بتاع العطارين أنا معرفوش فعلاً
   بالنسبة ل النبى دانيال شكراً على تذكيرى بيه وأنا حضيفه فى البوست مش عارف إزاى نسيته فعلاً
   مسخرة الراجل اللى بيبيع الحاجات فى الهيئة العامة و إن كنت مش مستغربها
   مؤسسة المعارف : أنا الصراحة برضوه نسيتها
   بس أنا فعلاً مفتكرش إنى دخلتها أكتر من مرتين تلاتة معرفش ليه فعلاً
   
   دار الهلال :
   يا إبنى مشكلتك دى بيواجها أى حد بيروح دار الهلال
   أنا قابلت ناس زيك كتير كده
4.  ماشى الطريق posted at 3:45 PM  
   mohamed :
   خطوة عزيزة يا عم
   غريبة جداً حكاية شيكاغو
   يمكن جابوها كرواية حتتباع حتتباع
   لقطة يعنى
   هى دار المعارف أنا بقيت معتبرها أفضل منفذ للكتاب حالياً بالرغم من وجود الرجل الأسود الغتيت
   دار المستقبل:
   هو زى مانت بتقول فعلاً عندهم كتب منقرضة
   بس أنا حاسس إن أخر كتاب إشتروه كان من خمس سنين مثلاً
   فيه ركن على أقصى أيدك الشمال بيتيقلى الكتب اللى فيه بترجع للقرن التمنتاشر
   المعرض اللى قبل جنة الفواكه أنا إتصايقت فعلاً إنى نسيته
   لأنه كان أكبر منفذ فى إسكندرية لكتب مكتبة مصر
   بس أنا مدخلتوش من سنين طويلة يمكن علشان كده نسيته
   المكتبة اللى إنت بتقول عليها على شارع أبو قير
   تقريباً هى اللى فى وش كلية هندسة
   أنا إشتريت منها كذا حاجة و عندها كتب فعلاً ظريفة جداً
   طب بذمتك ده كلام بتاع دار الهلال ده
   فيه حاجة فى الدنيا بتفتح نص ساعة بس فى اليوم؟؟؟
5.  Mohammed posted at 5:26 PM  
   كمالة التعليق:
   وكمان
   مكتبة دار السلام اللي عالترام عند الشبان المسلمين
   معظم الكتب دينية أو كتب من بتاعة البرمجة اللغوية وأمثالها ، بس على اليمين قدام شوية هتلاقي ركن كتب دار الفكر السورية. المكان الوحيد في اسكندرية اللي بيبيعها على حد علمي. سلسلة حوارات لقرن جديد بتاعتهم حلوة. الكتب غالية جدا بس الراجل بيخفض.
   
   عمري ما حبيت النبي دانيال. الأزبكية في أسوأ حالاتها أحسن منه. كنت بروحه بتضايق من بياعين الملابس الداخلية والتيشيرتات والشرابات على بدايته ، وبياعين الكتب مش قدام ومحترفين زي بتوع الأزبكية، شباب وبيبدؤوا بسعر غالي على أساس انك هتفاصل معاهم. دلوقتي عمري ما هروحه.
   
   بالنسبة للمعارف: شيكاجو كانت مجرد مثال، لانهم برضه بيجيبوا كتب لسة صادرة من الشروق في القاهرة بسرعة: تاكسي خالد الخميسي، وكتب هويدي والبشري والعوا، وكتاب مصطفى اللباد أول ما نزل برضه.
   
   فيه رملي كمان في زهران ماركت سموحة...
6.  4thH posted at 6:01 PM  
   نسينا معرضي الكتاب اللي بيحصلوا في الشبان المسلمين و سان مارك .. طبعا تعبانين بس بتاع سان مارك بالذات بيعرض حاجات كويسه
   ..
   في كذا مكتبه كويسه ع الترام خاصة في باكوس .. اللي على الرصيف كانت زادي و زوادي ايام المدرسه ( مبارك ) و كمان في مكتبة مداريه كده في شارع اخره سد بيوصل على محطة ترام صفر .. المكتبه دي بتبيع كتب قديمه .. اظن قفلت دلوقت
   ..
   نسينا في محطة ترام صفر .. الراجل اللي في الشارع اللي بين الترام و مصطفى كامل .. مش فاكر اسمه الحقيقه .. بس الراجل ده موسوعي .. مارحتوش قبل كده غير و انا صغير قوي .. و كنت باجيب من عنده قصص ادهم صبري و العك ده .. بس كنت باشوف عنده الحقيقه كتب مهمه زي روايات ماركيز و همنجواي و مسرحيات لارثر ميللر .. جيفارا مره قالي انه يعرف صاحب المكتبه شخصيا و انه بيجيب منه حاجات .. بما ان الموضوع بقى ارشيفي كده فياريت لو حد يعرف مكانه تحديدا يقول عشان انا عايز اروح و بتوه هناك .. اسمه عصام يتهيألي
   ..
   على سور مدرستنا في باكوس برضه كان في ناس بتبيع كتب زي الازبكيه كده . كانوا كتار قوي في سنه من السنين و طبعا بجانب الكتب المدرسيه كانوا بيبيعوا روايات و مجلات اغلبهاالعربي و ريدرز دايجست اللي كانت بتطلع بالعربي ( كنت بحبها جدا ) العدد منها بنص جنيه
   ..
   مكانين مايعتبروش مكتبات قوي بس احب اقولهم هنا عشان الارشفه برضه : متى بتاع الكتب في المحمره و ده ماشي الطريق يعرفه كويس على اساس اننا جيران في نفس المنطقه .. و افتكر ده اول واحد يفتح عينينا على حاجه اسمها قرايه . على الرغم من انه بياع سمك
   ..
   و لما كبرت شويه و بقيت طالب طب .. بقى في عم محمد الواقف في كشك الكليه .. ( اللي بيعامل البنات كويس دونا عن الولاد و بيتنحنح كده ).. و ده بينزل احيانا اعداد نيوزويك و عالم المعرفه و احيانا روايات نادره .. كمان في كشك الجرايد في شارع شمبليون بعد الترام و ده بيجيب حاجات جديده باستمرار
7.  Anonymous posted at 10:27 PM  
   انا بئا مش عارفه احكى عن ايه هيا تجربه يتيمه لشرا الكتب
   رحت مع صديق جميل ليا بيفهم فى الكتب عشان كنت عجبتنى روايه اسمها جليس لمحتضر
   وكل ما نروح نلاقى دار المعارف قافله لما مره رحت لوحدى لقيتها فتحه ودخلت وعلى راى ماشى الطريق واحده ست مستفزه وغلسه اوى
   بقولها عايزه كتاب جليس لمحتضر بصتلى اوى باستغراب كانى بقولها انا الحانوتى
   هههههههه
   وقالتلى روحى هناك شوفى فى كتب شوفى اللى عيزاه بس مفتكرش اننا عندنا حاجه بلاسم دا
   المهم من ساعتها ماشيه على مبدا السلف وطبق الكتب من البشر وعندنا كتب فى البيت بقراهم
   مفروض الناس دى يغيروهم بئا عشان الخنقه
8.  ماشى الطريق posted at 2:53 AM  
   محمد :
   أنا أول مرة أسمع فيها عن دار الفكر السورية
   حزورها قريب جداً إنشاء الله
   تاكسى الخميسى وصلت برضوه عند الرملى
   أتمنى بس إن دار المعارف يتابعوا كده مع كل دور النشر
   الرملى بتاع زهران ماركت معرفوش صراحةً
   يمكن لأنى أخر مرة دخلت فيها المول من فترة طويلة
   نزوره برضوه إنشاء الله
9.  ماشى الطريق posted at 3:05 AM  
   هيثم جار القمر
   عندك برضوه معرض الكتاب اللى فى أرض المعارض بكوتة
   والسنة اللى فاتت كان فى معرض فى المجمع
   النظرى
   عندنا برضوه من ناحية الأرشفة و الأرشفة فقط مكتبة شريف فى مول سان إستفانو
   مرة رحت هناك كان واقف فيها شاب لطيف جداً مشكلته الوحيدة إنه كان أول مرة يسمع عن دار ميريت
   !!
   عندك كمان مكتبة على البحر بعد إسكندرإبراهيم بالنسبة لمكتبات الرصيف
   لا بأس بها
   على فكرة فيه مكتبة إسمها هدى الأسلام إنت يمكن متكونش وعيت عليها
   بس دى كانت واحدة من مصادر ثقافة الطفولة بس مشكلتها إنها كانت بعيدة عليا كطفل
   عندك كمان عصام السحرى
   :d
   سمعت عنه ده جنب مدرسة على إبن أبى طالب
   تقريباً كل القصص المصورة اللى قرتها كانت من عنده بإستثناء ميكى
   تان تان, طرزان,دان كوبر,لاكى لوك
   عندى سوءال بس
   فيه سلسلة بتنزل إسمها أفاق عالمية
   حد يعرف ألاقيها فين فى إسكندرية؟؟
10.  ماشى الطريق posted at 3:09 AM  
    cat alex :
    والله دار المعارف سهل جداً إنك تلاقيها فاتحة
    أنا مبلاقيش أى مشاكل فى الحتة دى
    إنتى لازم تحاولى تروحى دار الهلال علشان تجمدى شوية
    :D
    أنا الناس اللى أعرفهم عايشين على طبق الكتب أكتر من الناس اللى بيشتروا الكتب
    أنا فى شلة أصدقائى مفيش حد بيشترى كتب غيرى و غير واحد إسمه حمادة الله يمسيه بالخير
11.  Anonymous posted at 7:36 AM  
    أعتقد أن الصورة الكبيرة التي يرسمها ماشي الطريق هي المركزية الثقافية للعاصمة وهذا في حد ذاته يعكس أحد صور التخلف التي نعيشها.
    
    تدوينتك جعلتني أشعر بالسعادة أني قاهري.
    
    اقتراحي لك ولمن يواجهون نفس المشكلة أن تجعل شراء الكتب مناسبة موسمية فيكون معرض الكتاب في القاهرة موسما أساسيا تحشد له مبلغا معقولا من المال. ومناسبة أخري كل أربعة أشهر مثلا تتجول فيها في مكتبات القاهرة وتشتري ما تريد.
    
    وفي النهاية أنت تملك قدرة لها حدود علي صرف الأموال، كذلك تملك وقتا له حدود لقراءة ما تشتري. فلعل هذا الأسلوب يكون مفيدا. فمعظمنا لا يستطيع أن يشتري كل ما يريد، وإن اشتري فلا يستطيع قراءته جيدا لضيق الوقت.
    
    معرض الكتاب في القاهرة في الأسبوع الأخير من هذا الشهر.
    
    فكّر في عمل زيارة موسمية أيضا لسور الأزبكية . يمكنك أن تطلب كتابا ما حتي لو كانت طباعته انتهت مثلا وبعض الباعة هناك يهتمون باجابة طلب القراء ولو بعد حين. هذه وسيلة أخري أتبعها وتنجح.
    
    تحياتي لك
12.  Anonymous posted at 6:00 PM  
    نايس بوست
    امل حياتى ده ماعرفتوش غير فى اخر سنة في الكلية مع انه فى وش الكلية
    فى برضه واحد فى فلمنج جنب تو ان علي الترام ممكن تلاقى عنده قصة ديمة مش لاقيها و وعندكو بقى محمد قطب فى باكوس من ايام مبارك (المدرسة طبعاا
    ده بقى كان مظبطنا رجل الستحيل وملف المستقبل والذى منه بس بعد كده اكتشفت ان عنده حاجات تانيه بس بتبقى استعارة بس
    اسكندرية فعلا الكتب فيها
    not easy to find
    على فكرة عم محمد بتاع طب ده من زمان اوى من ايام امى ما كانت فى الكلية من حوالى 25 سنة
    اه صحيح بتخبطو فى مين فى جرين بلازا؟
    :))))))))))))
13.  أحمــــــــدبــــــــــلال posted at 4:29 PM  
    أول ما قلت هو انت بروح أمك كنت تعرف نزار قبانى عرفت أنك شارب من بحر أسكندرية
    
    على العموم الاماكن اللى قلت عليها مميزة فعلاً
    بس لا أنتقص حق فرش الرصيف بتاع محطة الرمل لأنى أنا كمان كونت ثقافتى القرائية البداية من عندهم
    و ساعات بلاقى حاجات قديمة جداً عندهم ببقى بدور عليها
    
    أما النبى دانيال فده فعلاً أزبكيتنا
    الغريبة أن النهاردة بالذات كنت بسأل لواحد صاحبى على الكرنك و زقاق المدق عند واحد هناك
    و قالى بسبعه جينيه
    قلتله ليه يعنى هما خمسة
    على العموم النسخ كان حالتها مضروبة أوى و كنت عاوز أزوغ
    بيتهيألى لو الراجل وافق على خمسة كنت قلتله تلاتة
    
    شكراً على تعريفى بهيثم جار القمر
    و أبو عزة
14.  أحمــــــــدبــــــــــلال posted at 4:34 PM  
    أه على فكرة الراجل اللى بيقول عليه أبو عزة
    اللى فى فلمنج أسمه أمواج
    فى شارع فتحية بهيج
    اللى رابط مابين محطة تورماى فلمنج و شارع أبو قير
    
    أرجو أن ده مايكونش أعلان له
    بس الراجل ده أدين له بفضل كبير فى تغيير القصص و الروايات القديمة
    و كمان كان بيسيبنى أنقى براحتى
    على فكرة أنا لسه ببدل منه روايات القديس و أرسين لوبين لغاية دلوقتى
15.  Anonymous posted at 12:59 AM  
    ههههههههههههههههههه
    حلوة بس انتة نسيت بياعين الكتب بالعربية الكاروا الى بيلفوا شوارع اسكندرية وينادى باعلى صوت اشترى كتب او بيع الى عندك
    وكمان عندنا فى ابو قير فى بياع كتب من ايام الفراعنة وعمرى ماشفت حد بيشترى من عندة غير انا وواحد صاحبى
16.  Anonymous posted at 3:36 AM  
    يا عم احنا حالتنا بقت صعبة في مصر
    أنا لقيت واحد جارنا في فيكتوريا بيبيع الإلياذة الإسلامية و كم كتاب بتوع ديستويفسكي لبتاع الروبابيكيا
    أخدتهم منه عالسريع و اديته الفلوس بتاعة الكتب
    طلعت بتاعة أبوه الله يرحمه
    دا احنا بقينا في زمن الجهل الشنيع
    و بأعتقد كمان إن الحالة الزفت لمكتباتنا دلوقتي سببها الأساسي إن الناس مبتهتمش غير بالمجلات و الجرايد و بالتالي اقتصر دور المكتبات و دور البياعين على الحاجتين دول
    
    زوروني في بلوجي:
    http://kammon-we-zangabeel.blogspot.com/index.html
17.  Anonymous posted at 10:04 AM  
    طيب أقولك حاجتين مفيدين
    مكتبة المستقبل تتميز انها ممكن تجيبلك أى كتاب انت عايزه , قولهم اسم الكتاب , و دار النشر لو عارفها , و حيجبوهولك من القاهرة و بنفس السعر
    و بيبقى عندهم كتب كويسة , لقيت عندهم رباعية الاسكندرية بس للأسف مش كاملة , و جوة على الشمال عندهم كتب أدب رائعة
    بصراحة , دى أكثر مكتبة بفضلها فى الاسكندرية
    فى باعة كتب مستعملة فى العطارين , حتلاقى عندهم أى كتاب تراثى أو قديم بطلوا يطلعوا منه طبعات
18.  ماشى الطريق posted at 12:29 PM  
    winston smith
    فكرة المركزية الثقافية للعاصمة لللأسف هى السائدة
    بالنسبة لمعادلة القراية هى ليها أطراف كتيرة الصراحة ومشكلتها لما بتتجمع بعض
    معاك فلوس يبقى معندكش وقت ,
    معاك وقت يبقى معندكش فلوس
    ممكن يتوافرلك الأتنين بس تلاقى إن مفيش حاجة جذباك علشان تقراها
    الحل فعلاً هو الزيارات الموسمية لمعرض القاهرة
    أمل حياتى برضوه أنا معرفتوش غير فى أخر سنتين
    و عم محمد ده شكله مصيبة
    هيثم بس هو اللى بيتكعبل فى جرين بلازا
    أنا بتكعبل فى كارفور
19.  ماشى الطريق posted at 12:34 PM  
    أحمد بلال :
    أنا والله مش معترض للدرجة على ثقافة الرصيف وعارف إن ياما ناس إستفادوا فعلاً منها
    بس فى أغلب الأحيان هى أخرها معايا مجلات و جرايد
    إيه شارع فتحية بهيج ده؟؟؟؟
    شاب إسكندرانى
    متخيل معايا إن مفيش مكتبة كتب محترمة فعلاً من أبوقير لحدددددد شوف إنت فين بقى
    حاجة مسخرة والله
20.  ماشى الطريق posted at 12:39 PM  
    محمد فوزى
    المكتبات دلوقتى بتبيع مجلات و جرائد
    و ضيف عليهم شرايط فيديو و سيديهات كمان
    معنديش أى إعتراض لأى مصدر رزق للراجل صاحب المكتبة
    يبيع اللى يبيعه بس مقابل كده برضوه ميفرطش فى حق الكتاب
    mahmoud:
    والله أنا مجربتش أطلب منهم الطلب ده قبل كده
    بس حجرب إنشاء الله
21.  Anonymous posted at 3:42 PM  
    مساء الخير يا إسكندرية
    تعرفوا يا جماعة كانت المدينة بالنسبة لي زي بحرها، احبه لكن من بعيد لبعيد وعمري ما دخلت في الغويط لا في المدينة ولا في بحرها
    هذه المرة قررت التعرف على المدينة ، سأبحث عن تلك الاحياء التي سمعت عنها كثيرا وما زرتها: كوم الدكة، زيزينيا وزنانيري اسماء تعرفت عليها من خلال مسلسل انور عكاشة الشهير، سموحة رغم معرفتي بأنها كانت منطقة بحيرات وقام بتجفيفها وتقسيمها للبناء عميد اسرة سموحة أحد كبار أثرياء المدينة من اليهود لكن لا اعرف اين تقع
    سنوات طويلة زرت فيها المدينة ولم أعرفها
    اريد تعميق علاقتي بالمدينة
    
    من يستطيع منكم ان يدلني على خريطة للتجوال داخل احشاء المدينة من حي لاخر
    
    شريف الصيفي
    ألمانيا، هانوفر
22.  4thH posted at 10:50 PM  
    تعليق احتفالي صاخب
    :
    يا رجاله و يا ستات انا كنت ماشي في شارع النبي دانيال .. بالصدفه و الله و كنت مسافر القاهره ... لاقيت قدامي نور يعمي الابصار .. مصدره الجانب الشمال .. بصيت لاقيته طالع من جوه محل .. دخلت و ياللعجب :
    
    دار الهلال كانت فاتحه يا رجاله
    !!!!
    
    اي و الله .. و اشتريت منها كمان 4 كتب .. منها السيميائي لبهاء طاهر اللي كنت دايخ عليه .. ندعوكم جميعا لحفلة دخولي دار الهلال و العاقبه عندكم في المسرات
    ..
    اول ماطلعت منها كلمت صديقي ماشي الطريق .. و زفتله الخبر السعيد .. طبعا هو كان بيجامل و يقول مبروك بس الحقد في صوته لانه كده خسر الاحتكار للدار دي .. و مابقاش ( الرجل الذي دخل الهلال ) هههه
    ...
    الكوميدي بقى اني سألت الموظفين جوه فعلا عن معاد شغلهم .. قالي بدون ان يطرف له جفن : من 11 و نص ل واحده يوم الاربعاء و الاحد !!
    ..
    هل هلالك هل هلالك .. بجد انا مبسوط
    :))
23.  ماشى الطريق posted at 9:28 AM  
    سردية :
    والله أنا نفسى ممتلكش مثل هذه الخريطة
    بس أوعدك إنى لو لقيت سايت عليه حاجة زى كده حبعتلك على طول
    وكمان إسكندرية متوهاش يا راجل
    ده الأسكندر عاملها سهلاً جداً والله
    :)
    هيثوم جار القمر
    بس شوفت مش بذمتك عندى حق
    علشان تروح وتلاقى الهلال فاتحة لازم تكون نيتك حاجة تانية
    :)
    يا عم أنا مش بحقد عليك والله إنت مثال للشاب المصرى المكافح اللى صمم يشوف الهلال وهى فاتحة
    و قدر يحقق حلمه
    لو قدرت تروح الهلال ولقيتها فاتحة مرة تانية ليك رواية مجانية
24.  محمود محمد حسن posted at 4:36 PM  
    فعلا مشكلة مؤرقة موضوع المكتبات في اسكندرية ...طيب تتصور إن رواية ممكن تكون سهلة المنال جدا في القاهرة زي اللجنة بتاعة صنع الله إبراهيم ..انا بدور عليها من فترة ومش لاقيها خالص ؟؟!!!
    
    حتى دار المستقبل اللي انت قلت عندهم كل اصدارات صنع الله ابراهيم ما عندهمش منها حاجة
    
    وحتى الراجل الأسود بتاع دار المعارف بعد ما لطع اهلي ساعة علشان يطلع لي الرواية اللي قالي موجودة ....في الآخر رجع وقال لأ مش موجودة
    
    اما مكتبة الشروق فالحمد لله إنها قفلت ...علشان اسعار الكتب فيها كانت مخلياني حاسس إني فعلا محدود الدخل لدرجة إني محتاج اشتغل اسبوع علشان اشتري كتاب
25.  شـريف الصيـفي posted at 5:16 PM  
    أنا مش عارفة الناس ليه زعلانة من قلة المكتبات
    هو في حد بيقرا أساسا في الأسكندرية ولا غيرها أو حد معاه فلوس لاقتناء كل جديد في عالم النشر
    وإن كان فهم لن يزيدوا عن قراء ومعلقي هذه التدوينة كثيرا
26.  محمود محمد حسن posted at 2:36 AM  
    إيه ده يا ماشي الطريق ...انت تعرف عصام السحري اللي في بير السلم عند هدى الأسلام على القطر ...جنب مدرسة السلام ؟؟؟!!!
    
    ده احنا طلعنا جيران بقى ....
    
    
    طيب مادام انت قريب اوي كده ...فيه برده مكتبة حلوة اوي ...في آخر شارع 13 المتفرع من شارع 45 عند بوابة مدينة فيصل اللي في الجنب ...فيه هناك حتة مستودع كتب فظييييييييع جدا .
27.  ahmed nabil posted at 5:27 AM  
    fee ya gama3a kaman maktaba fee share3 abo 2eer abl kulleyyet hanadassa wenta nazel 3al balad, esma3a 3ala esmm o3'neyya lommu kalssoom, mesh faker bezzabt el essm wallahy LOL bass heyya maktaba shaklaha 3ageeb keda w yaftet ha lonha assfar, wad7a geddan ya3ny, 3and beta3 el 7'arroob, esmo samy bayeb walla a...
    maktabet el mosat2bl wallahy maktaba hayla, bass el 7ekaya ya bashar enn simply ya3ny, mafeesh 7ad beye2ra fel balad, ya ged3an da kol elnass elly betekteb fel post da ta2reeban 3arfeen ba3d shaklan, ya ragel da7na ray7een fee dahya, kotob a w neelet a bass, ne7med rabbena ...
    da kollo koam wel maktabat el deeneyya elly fee baladna (eskendereyya) dee koam ya bashar, fee wa7da fee share3 khaleel khayyat, actually heyya kam wa7da keda gamb ba3d w3a7da betbee3 kotob wettanya betbee3 sharayet cassette, el mohem marra da7'el bas2al 3an kotob lel ghazaly w 7ad tany mesh faker meen mohamed 3emara bayen, farragel ebtassam ya3ny keda w 2ally la2 la2 e7na ma3andenash 7aga lel kottab dole ya3ny, olteloleh, 2ally 3ashn el 3ulamas ya3ny egtama3o ya3ny ennohom bey2oolo kalam ya3ny meshsdhsiughs .... ya3ny bero7 mamto huwwa 3awezny 2a2ra kotob le shoyoo7' el sa7ara2 w bass elly 3andohom el camera beta3et el mobile 7aram assasan .....
    feeh maktaba tanya esmah dar el salam, dee 3ala el teram fel shatby abl el shubban el mosslemeen keda, el maktaba dee kebeera awy, feeha kotob deeneyya w shareyt w CDs, bennessbaly mafeehas 7agat 3azeema geddan ya3ny, bass heyya munazzama ka space ya3ny w feeha targamat el kor2an w kotob deeneyya beloghat keteer geddan bass 7asseb le2enn sa3at feeha 7agat beteb2a mutatarrefa awy mettargema, bass el nass elly feeh nass hadyeen keda w mo2addabbeen mesh zayyel ragel beta3 munsha2atel ma3aref allazeg dah ...
    dah ya3ny lely muhtamm bel maktabat el deeneyya ya3ny ...
    ana 3an nafssy maba2etsh aroo7 keteer el maktabat dee.
    
    feeh ya gama3a kaman nokta kebeera tanya mesh 3aref 7ad etkallem 3anha walla la2 esmaha maktabet el ahram elly fee share3 fo2ad dee, ya gama3a dee hayla bardo, dee betefta7 till 4:00 massalan, da 3'air enn el kotob elly feeha messal 7ayy lel kotob elly kanet betetba3 fee maktabat el sab3eeneyyat, asasan ennas elly guwwa elly el mafrood ennohom beybee3o ya3ny, lamm 7ad beyodkhol 3alehom beysta3'rabo, w yefdalo bassenlak keda ! ka2ennak da7'el 2odet noam 7add massalan, w beteb2a ghareeb ageddan law sa2alook 3an talabak wektashafo ennak bass da7'el 3ashan TETFARRAG ,,, ka2ennk sa3et ha massalan kallemtohom berroossy ... beyesta3'rabo geddan ...
    
    ya 3a ana 3aweza a3eesh fel sweed ya 3am ...
    
    ahmednabi.blogspot.com
28.  ماشى الطريق posted at 7:00 AM  
    محمود ماجد :
    والله أنا عن نفسى للأسف مقرتش اللجنة
    و إن كنت مستغرب إنها مش موجودة عند المستقبل ده المفروض أكتر مكان ممكن تلاقى فيه أعمال ل صنع الله إبراهيم
    عصام السحرى ده حبيبى ياما طبقنا من عنده كتب كان هوا طابقها من ناس تانيين
    :)
    حشوف والله مستودع الكتب ده ربنا يسهل إنشاءالله
    هيباتيا :
    والله فيه ناس يامة بتقرا فى إسكندرية
    بس من الواضح إن الناس اللى بتشترى قليلة أوى فى إسكندرية
    أحمد نبيل
    المكتبة اللى قبل هندسة إسمها أمل حياتى
    أنا عارف مكتبة الأهرام دى هى قدام شارع النبى دانيال بس بأمانة متستحقش إن الواحد يذكرها
    يلا خليها معانا على سبيل الأرشفة فقط لا غير
29.  Abo3azza posted at 6:01 AM  
    ازيكو يا بشر
    رحت معرض الكتاب الاسبوع اللى فات و كان صباح الارف
    أقل ما يوصف بانه زبالة و منتهى الفوضى
    ما لقيتش تاكسى فى التلات اجنحة بتوع الشروق
    المشروع القومى للترجمة فيه عناوين حلوة كتير
    جناح ميريت كان مبهدل خالص
    الجامعة الامريكية كانوا عاملين خصومات حلوة
    ايه تانى؟
    اه سور الازبكية صباح الاستغلال
    بصفة عامة المعرض كان تعباااااان كيك
    و يقولوا موبينيل منظمة العملية السنة دى
    دانا اتفشخت من كتر اللف بالكتب اللى اشتريتها
    و ايه البوابات الضيقة دى دانا عديت بالعافية طب غى الدخول ماشى انما فى الطلوع ليه
    وأنا طالع بقى موقفين ظابط و كام عسكرى على صلاح سالم علشان ماحدش يعدى من فوق
    علشان تعرفوا الحكومة بتخاف على المواطنين ازاى يا كلاب
30.  LegendaryBK posted at 1:26 AM  
    شباب ايه رأيكم في المعرض بتاع سان مارك . اصلي عايز اروح بكره بس خايف اضيع وقتي فيه ... هو يستاهل يعني ؟
31.  Amira posted at 2:30 PM  
    هههههههههههه
    
    بوست جميل و مفيد و الله
    
    عارف انا نفسي اشتغل في مكتبه
    و اقعد طول اليوم أقرأ
    
    مش عرافه بس انت لفت نظري ان لما يكون اللي بيشتغل في حاجه بيحبها حيكون افضل كتير
    
    فكرتني بفيلم
    you've got mail
    المشهد اللي فيه ميج رايان بتدخل تشوف المكتبه الكبيره اللي سحقت مكتبتها المتواضعه
    تلاقي ام بتسأل لبنتها عن كتاب و البائع مش عارفه
    و تجيب هي بالنيابه عنه و الدموع في عنيها
    
    لأن هو ده الحال
    اللي فاهم الحاجه و بيحبها مش بيشتغل فيها
    و اللي مبيفهمش
    كالحمار يحمل أسفارا
    
    و عجبي
    
    بس و الله فعلا انا مستعده اعمل اي حاجه و اشتغل في مكتبه
32.  ahmed nabil posted at 11:22 PM  
    ma3rad sain mark lel ketab;
    2a2sod ya3ny ma3rad saint mark el deeny lel ketab el deeny, 7aga hayla ya gama3a wallahy, begad lazem yetra7, awwalan fee kotob deeneyya hayla lel mosslemeen, w kotob tanya ba2a deeneyya bardo bass lel messee7eyyeen, da ghair enn el sana dee 3amleen 7aga gedeeda, sharayet cassette, deeneyya bardo, ya3ny momken tessma3ha fel cassetteM wel 7adeess ba2a elly bey2addemo el ma3rad el deeny el 3azeem enn fee CDs deeneyya bardo, ya3ny ya shabab tanawwo3 ebn 7aram, ellenata 3awzo tela2eeh. fee bass kam dar keda malhomsh lazma, 7aga keda essmaha dar el shorouk 3andaha kotob lekottab mess deneyyeen khaless, gamal el ghitany w 3andohom ketab keda essmo taxi ! mesh 3aref ana leh beybee3o el 7agat dee, fain el kotob el deeneyya ?! w feeh kotob ghareeba geddan ya gada3 3an el shee3a, tesadda2 ? (da tab3an mesh ketab deeny) w lazem yesheelooh, e7na 3awzeen kotob deeneyya, mumken yeb2a feeh kotob combutar massalan law muserreen yeb2a feeh 7aga ghair el kotob el deeneyya. (mahmoud el meleegy fee el mash had el 3azeem ma3a ahmed zaki fee film eskendereyya leh|:"w 3ayezny akssabha?"
33.  Sweetheart posted at 9:12 AM  
    أولاً : أحب أقول إني فرحانة جداً بالبلوج ده عشان كله بيتكلم على الإسكندرية و أهل الإسكندرية. فعلاً حاجة جميلة جداً لأن في معظم البلوجات التانية بيتكلموا على أماكن في القاهرة إللي إحنا (الإسكندرانية يعني) منعرفش عنها حاجة فا دي فرصتنا بأة. بس فعلاً الإسكندرية دي مدينة جميلة و الإنسان مبيعرفش قيمتها إلا لما يبعد عنها. ولا إية؟؟؟؟
    
    ثانياً: موضوع المكتبات دة هو موضوع بصراحة بيضايقني أوي عشان فعلا إحنا معندناش مكتبات محترمة و عليها القيمة زي القاهرة. وأنا عن نفسي بستنى المعرض بتاع كوتة و سان مارك و الشبان المسلمين من السنة للسنة و برضة المعرض دي مش أوي يعني. بجد أنا نفسي يكون عندنا مكتبة زي بتاعة Tom Hanksفي You’ve Got Mail هي دى المكتبات ولا بلاش...
    أما بالنسبة لشارع النبي دانيال فحدث ولا حرج تحول إلى مكان لبيع المجلات الأجنبية القديمة و الكتب الخارجية القديمة برضة و مفيش كتب عدلة سواء كانت عربي ولا إنجليزي دا غير طبعاً البياعين أللي الواحدة مبتسلمش من لسانهم سواء كانوا بيعاكسوا ولا بينادوا عشان نشتري منهم كأننا في شارع الغرفة التجارية بالظبط...
    
    ثالثاً: ياريت حد يقولى أجيب كتاب "شكلها باظت" لعمر طاهر منين و ياريت برضة يقوللي عنوان المكتبة عشان ماتوهش....
    
    رابعاً: عندي بأة مشكلة و يارت حد يحلهالي.... المشكلة هي إني لغاية دلوقتي مش لاقية كتاب عربي حلو غير سلسلة "ما وراء الطبيعة" لأحمد خالد توفيق (أللي أنا بحبها جدااااااااااا)... أنا مرة جبت رواية أسمها "المسافات" لإبراهيم عبد المجيد لكن بصراحة معجبتنيش خالص, رواية مملة جداً و مبهمة جداً و مقدرتش أكملها من كتر الملل. وعندي برضة مجموعة كتب لأنيس منصور لكن مشكلة أنيس منصور إن كتاباتة فلسفية جداً. الحمد لله أن معرفتي باللغة الإنجليزية تسمحلي إني أجيب كتب إنجليزي و قرائتها من غير صعوبة و هي دي أللي مصبراني لكن برضة أنا مش حفضل متخصصةفي الإنجليزي كدة على طول لازم الواحد يغير برضة..
    المهم الحل إني بطلب من أي واحد قرأ كتاب عربي ممتع يقوللي على إسمة و ياريت المكان أللي أجيبة منة...
    
    خامساً: (معلش طولت عليكو) ياريت حد يقوللي هي مكتبة الرملى دي فيين؟؟؟؟
    
    سادسأ: مجاش في بالكو إن ممكن تكون مكتبة دار الهلال دي بتفتح في المناسبات السعيدة بس؟؟؟ إحتمال برضة...
    
    وشكراااااااااااااااااااااا
34.  Sweetheart posted at 12:17 PM  
    على فكرة أنا برضة زي فريدة نفسي أشتغل في مكتبة و أقعد طووول اليوم أقرأ...
35.  Askandarani posted at 4:47 PM  
    y do u write eskandaranaya with an e not an a???? never noticed we nefta7 every thing we say unlike other egyptians (wakhdeen balko men other egyptians) beyeksaro everything??!!1
    
    sweet heart: u can find shaklaha bazet at the news paper stands in mehatet el raml, the one on the right of the central.
36.  Sweetheart posted at 3:22 AM  
    askandarani: thank you sooooo much I really appreciate it.
37.  مجهول posted at 5:55 AM  
    اهلا اسكندرانيه
    كيف الحال
    كل دي مكاتب في اسكندريه
    بس بالنسبه ليا
    النبي دانيال
    والبنت بنت عمتي
    دول اكتر مكتبات باخد منها كتب
    موضوع جميل
    وافادكم الله
    لك تحياتي
    علي فكره حاسس انك اسكندرانيه بحته
    يعني جنسيتك اسكندرانيه
    انا بقا جنسيتي مصري
    بس دمي بحري
    وحياتي علي الكورنيش
    اتمني تزوريني في مدونتي
38.  مجهول posted at 5:58 AM  
    اهلا اسكندرانيه
    كيف الحال
    كل دي مكاتب في اسكندريه
    بس بالنسبه ليا
    النبي دانيال
    والبنت بنت عمتي
    دول اكتر مكتبات باخد منها كتب
    موضوع جميل
    وافادكم الله
    لك تحياتي
    علي فكره حاسس انك اسكندراني بحت
    يعني جنسيتك اسكندراني
    انا بقا جنسيتي مصري
    بس دمي بحري
    وحياتي علي الكورنيش
    اتمني تزورني في مدونتي
39.  The_Explorer posted at 6:24 PM  
    I read your post and you don't know how much you made me miss Alex even more .. I am writing this from Canada it's -30 here now we mafeesh corniche :(
40.  nohamy posted at 10:51 AM  
    انتم برضة أرحم من السويس
41.  واحد posted at 11:22 PM  
    في القاهرة بقى مافيش أحسن مني يدلك على اللي الكتب وتجيبها منين
42.  Sayed posted at 8:10 AM  
    Howa elblog et7asad wala eh? fein elposts ya gama3a?
43.  Aladdin posted at 5:52 PM  
    ملاحظ في كلام هيثم شوفينية سكندرية عالية عمّال تجيب من الشرق والغرب! طيب هل المفروض احنا نتكلم على مكتبة ديوان والكتب خان وفيرجن ميجاستورز كمان؟؟!!!
    
    عايزين تدوينة بقى عن المكتبات العامة في الاسكندرية والمقارنة بينها وبين مكتبات "العاصمة" القاهرة أم الدنيا!
44.  لن أستكين posted at 1:27 PM  
    عاجل : الريس أتخطف يا رجالة
    http://egyptianjokes.blogspot.com/2007/04/blog-post_14.html
45.  Racha posted at 11:59 PM  
    Elli 3and handassa esmaha amal 7ayati, baguib menaha koton koleyeti, 3ashan el kotob el 3elmeya she2 nader el wegood fel balad di kolaha 3ala ba3daha...
    
    Ma3ared el ketab fe Alex, dayman betnazel nafess el kotob kol sana, yiguilehom 500 sana, byenazelo nafess el kotob betorabehom we bara3'etehom...
    
    Ya sheikh e7med rabena en feeh matabat betefta7 assassan, we homa ahyefta7o leh we yeguibo 7aggat ketir leh en makanesh fe 7ad byeshteri, ana maba2rash kotob 3arabi ketir, we da el aswa2 le2enak 3omrak mahatela2i 7agga 3edela tet2eri 3'er mokrarat el madaress...
    
    A7ssan 7agga, teroo7 gawela 7ora fe Cairo, teshteri kotob tekafek 10 senin odam, web2a efteker so7abak...
46.  الربان posted at 10:58 PM  
    تحياتي
    
    في رأيي ان المشكلة لها شقين :
    
    1- أن الدولة رفعت يدها عن إنشاء المكتبات العامة و التي كانت تسمح بالاستعارة للكتب.... فيقرأ و يتثقف الكثير من الطلبة...و المنتسبون للدراسات العليا أيضا...و محبي القرأة و الثقافة.
    
    2- الهيئات الحكومية المسؤلة عن الثقافة
    غير مهتمة بالتحديث و إدخال التقنيات الحديثة الي منافذ البيع...
    بل يمكن عن طريق الانترنت ان يبحث الشخص عن كتاب محدد و في اي فرع بل و عدد النسخ المتوفرة ...و نوعية النسخة ان كانت تجليد فاخر او عادي ..الخ...
    
    3- لان بعض المكتبات قطاع عام...و الاخري القطاع الخاص....فلن تجدي من يعمل بهذه المكتبات الا غير المتخصصين...
    و قليلا او نادرا ما نجد أخصائي المكتبات و التوثيق.
    
    تحياتي
47.  assour posted at 4:29 PM  
    forgetالعزيز صاحب البلوج
    انا الدكتورة اسر صاحبة مكتبة امل حياتي و هي فعلا بتعمل بنظام شراء ثم اسبتدال كل الكتب بما يماثلها او غيره و هي كانت حلمي انا و زوجي الله يرحمه بقالها 5 سنوات الحمدلله و انا فتحتها لأني بحب القراءة موت فعملت المكان عشان اللي بيحبوها زيي و كانوا لازم يسافروا مصر عشان يشتروا
    اللي خلاني اكتب ان المكتبة بها انجليز ي و عربي و غيره نقاوة ايدي و انا طبعا دكتورة نسا و لكن لا امارس حالا
    و بالتالي لو حد عاوز مكان يستلف منه و يرجع بعد دفع اساسي احنا عندنا ده
    و شكرا
    انا عارفة الكتب مرض و الواحد ياما اتبهدل عشان يلاقي كتاب
    و عشان كده عملت المكتبة ارجو ان اللي راحها يكون وجد ما يبحث عنه
48.  Dark posted at 8:47 AM  
    مكتبة الشروق فتحت تاني في مول سان ستيفانو الدور الاول عند sea side stores
    و كمان في مكتبة هناك اسمها معروف عندها حاجات معقولة
49.  اسكندراني اوي posted at 11:30 AM  
    بوست حلو ومفصص الموضوع جدا بجد لا يضاهيه حلاوه الا التعليقات اللي عليه
    بجد البلوج كله تحفه
    
    تحياتي
50.  Khaled posted at 6:58 AM  
    awel 7aga wade7 en el comment gai met2a7'ar ba3d ma kol el nas sheb3o mn el post bs ma3lesh asl ana lesa moktashef el blog :D ,,
    tany 7aga fe ra2yei el motwade3 en a7san maktbteen fe eskndria homa dar el m3aref we el mosta2bal .. 3ala el a2al el nas ele henak fahmeen shwaya fel kotob we by2ro we sa3at bydook ra2yhom fel kotb ele nzlt we homa 2aroha .. da 3'eer enhom dayman by3rafook b2ai esm gdeed enta ray7 tshtrelo le awel mara we msh 3aref tgeblo eh ..
    we bel zat el mosta2bal law ro7to bleel fe wa7ed hnak asmar kda esmo m7amad kan byshta3'al hwa we a7'oh el taw2am el awel fel maktaba we ba3d kda a7'oh sabha we mshi ..
    ama belnesba le dar el helal el 3azema fa ana kan lia sharaf d7'olha mara wa7da mn el 3omr ba3d 10 sneen mn shera el kotb we el 2raya ...:D:D ... we lama da7'lt ba2ool le el ragel ana bgad msh msada2 nafsi we ana bgad far7an en rabena mad fe 3omri l3'ayet ma shoof el yoom da .. basli be est7kar kda we 2ali e7na fat7een 3ala tool ... we 2a3ad y7lfli bel ayman we ma3rafsh eh .. we y2oli tab anadelak el ahwagi 3ashan ya2kdlak hwa bygblena el shai kam mara kol yoom !!!
    we belnesba ba2a le ba2eet el maktabat fa fe ra2yi ( fatsha ) ..3ashan bygebo el kotb be nzam el 7'odar ele hwa shwaya le el wad el gdeed ele esmo ma3rafsh eh we shwaya mn dar el nashr eh we kda ...
    Newayzzz ... el post raw3a we gamed a7'er 7aga ..
51.  abderrahman posted at 11:45 PM  
    موضوع شامل :)
    فكرني بآخر مرة كنت في اسكندرية رحت هيئة الكتاب وملقتش حاجة من اللي انا عايزها، فسألتها طب ممكن ألاقي في فروع تانية
    قالت لي هو ده الفرع الوحيد هنا
    :(
    ماكنتش عارفة اني من بره الاسكندرية
    بس برضو اسكندرية أفضل من المحافظات بكتيييييييير
52.  fancystar posted at 11:02 AM  
    روعة بجد ايه الثقافة دي كلها أنا بعشق الكتب و القراءة بس دايما ما ببقاش عارفة اجيب كتب ايه انا بحب اقرا في علم النفس و الحب و كتب انيس منصور و عبد الوهاب مطاوع ما تساعدوني يا جماعة و قولوا لي اسامي كتب مفيدة و حلوة لان اسعر الكتب بقت نار و بخاف اشتري كتاب من الغلاف و ما يطلعش مفيد
53.  محمود محمد حسن posted at 2:27 PM  
    البوست ده قديم بس قوي جدا صراحة ومفيد اوي ،
    
    يعني مش عارف إذا كان حد لسه حيقرا الكلام ده ولا لا
    بس دار الشروق فتحت فرع متميز حقيقة في سان ستيفانو
    
    ومكتبة معروف كمان
54.  اسكندراني posted at 10:47 AM  
    انا اول مره فكرت ادخل فيها مكتبه كنت الهيئه العامه للكتاب تبع ماما سوزي ودخلت اشتريت روايه اسمها ترابها زعفران وكانت ادبيه نفيخه ولكن انا بسال دلوقت عن مكان مكتبة العارف
    وياريت لو في مكان مكتبه علميه عن الكواكب والاكتشافات العلميه الجديده
    ياريت تقولوا مكانها فين
    واشكركم يا مثقفين اسكندريه
55.  egybookmaster posted at 5:03 AM  
    واضح ان موضوع المكتبات في الاسكندريه مهم جدا للاخوه في الصين - لو التعليق اللي فوق ده صيني-
    ما علينا هوا في اختراع كده في اسكندريه حاليا عباره عن مكتبه اسمها ( مكتبة روايات الشباب ) بتبيع كتب - و بتعمل حاجه جامده بقي و هي ....استعاره !!! و عندهم كميه كتب مهوله جدا يقدرها اي دوده كتب محترم
    ده لينك جروب الفايس بوك بتاعهم
    http://www.facebook.com/group.php?gid=360235745336&ref=ts
    أتمني اكون اضفت جديد

Post a Comment

« Home

Contributors

• S H E B A K
• Zeryab
• GAMA-lone
• Ρών.
• Mohammed
• 4thH
• ماشى الطريق
• Bahz.Baih
• Pianist
• moe
• Guevara